મુસાફરોના ખીસ્સા હળવા કરતી રીક્ષા ગેંગને માલવીયાનગર પોલીસ સ્ટેશન ઝડપી લીધી હતી.જેની પૂછતાછમાં શાપર,મોરબી, ચોટીલા સહિતના વિસ્તારોમાં થયેલા છ ગુનાઓનો ભેદ ઉકેલાયો હતો.જ્યારે અન્ય એક રીક્ષા ગેંગના સભ્યને ક્રાઈમ બ્રાન્ચની ટીમે ઝડપી લીધો હતો.
જાણવા મળતી વિગતો મુજબ, માલવિયાનગર પોલીસ સ્ટેશન પીઆઇ જે.આર. દેસાઈની રાહબરી હેઠળ પી.એસ.આઇ એસ.એ.સિંધી તથા તેમની ટીમ પેટ્રોલિંગમાં હતી દરમિયાન હેડ કોન્સ્ટેબલ દિનેશભાઈ બગડા અને કોન્સ્ટેબલ હરસુખભાઈ સબાડને મળેલી બાતમીના આધારે પુનિતનગર પાણીના ટાંકા પાસેથી આ રીક્ષા ગેંગને ઝડપી લીધી હતી જેમાં હુસેન દાઉદભાઈ મલેક (ઉ.વ 28 રહે. શાપર વેરાવળ) કિશન ઉર્ફે કિશો વાંજો મગનભાઈ પાંભણિયા (ઉ.વ 22 રહે.શિવ નગર શેરી નંબર 4 જૂના માર્કેટ યાર્ડ પાસે,રાજકોટ) અને હીનાબેન શરીફભાઈ ડોસાણી (ઉ.વ 26 રહે.ભગવતીપરા શેરી નંબર 4,રાજકોટ) નો સમાવેશ થાય છે. પોલીસે આ ટોળકી પાસેથી રોકડ રૂ.10,700 અને રીક્ષા સહિત 1.10 લાખનો મુદ્દામાલ કબજે કર્યો હતો.
પોલીસની પૂછપરછમાં આ ટોળકી છ ગુનાની કબૂલાત આપી હતી જેમાં સાતેક દિવસ પૂર્વે શાપર વેરાવળમાં કલ્પવન પાસેથી વૃદ્ધના ખીસ્સામાંથી રૂપિયા 3000, ત્રણ દિવસ પૂર્વે મોરબી અને ટંકારા વચ્ચે વૃદ્ધના ખિસ્સામાંથી રૂપિયા 15000, વિશ દિવસ પૂર્વે ચોટીલા લીંબડી પાસેથી વૃદ્ધના ખીસ્સામાંથી રૂપિયા 200,ત્રણ દિવસ પૂર્વે હોસ્પિટલ ચોકમાંથી એક પેસેન્જરને બેસાડી તેના ખિસ્સામાંથી રૂપિયા 3000 આ જ સમયે એસટી બસ સ્ટેન્ડ પાસે પેસેન્જરના ખિસ્સામાંથી રૂપિયા 2000, ધોરાજી હાઇવે ભુખી ગામની ચોકડી પાસેથી પેસેન્જરના ખીચામાંથી રૂપિયા 3000 તફડાવ્યાની કબુલાત આપી હતી. આરોપી કિશન અગાઉ આ જ પ્રકારના ગુનાઓમાં પકડાઈ ચૂક્યો છે જ્યારે હુસેન સામે પોરબંદરમાં દારૂ સહિતના છ ગુના નોંધાઈ ચૂક્યા છે.
આ ઉપરાંત ક્રાઈમ બ્રાન્ચના કોન્સ્ટેબલ મોહિલરાજસિંહ ગોહિલ અને તુલસીભાઈ ચુડાસમાની બાતમીના આધારે રીક્ષા ગેંગના એક સભ્ય મુન્ના ઉકાભાઇ (ઉ.વ 33 રહે. હાલ ગણેશનગર મફતિયા પરા નવાગઢ)ને ઝડપી લઇ તેની પાસેથી રોકડ રૂપિયા 4,900 મોબાઈલ ફોન અને રિક્ષા સહિત 69,900 નો મુદ્દામાલ કબજે કર્યો હતો. પૂછતાછમાં આ શખસે જણાવ્યું હતું કે, તેની સાથે પરેશ સોલંકી તેની પત્ની માલા અને તેનો ભત્રીજો હોય અને આ ત્રણેય મળી જલારામ સોસાયટી શેરી નંબર 2 માં આવેલા ગંગોત્રી એપાર્ટમેન્ટમાં રહેતા રસીલાબેન માંકડીયા (ઉ.વ 65) નામના વૃદ્ધાને ગત 15 ઓગસ્ટના રોજ બાલાકૃષ્ણ હવેલીએ દર્શન કરવા માટે રિક્ષામાં બેસાડી તેમના હાથમાંથી રૂપિયા 45000 ની કિંમતની બંગડી સેરવી લીધી હતી. પોલીસે અન્ય બંને આરોપીઓને ઝડપી લેવા તપાસ હાથ ધરી છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationસંજય સિંહે ભાજપ અને RSS પર સાધ્યું નિશાન, કહ્યું- કેજરીવાલના સવાલોમાં છે સત્ય
September 23, 2024 04:54 PMચાઈલ્ડ પોર્નોગ્રાફી તમને એક ક્લિકમાં મોકલી શકે છે જેલમાં... જાણી લો સુપ્રીમ કોર્ટનો નિર્ણય વિગતવાર
September 23, 2024 04:50 PMઅમરાવતીમાં બેકાબૂ બસ 70 ફૂટ ઉંડી ખીણમાં ખાબકી, અકસ્માતમાં 4ના મોત, 40 ઘાયલ
September 23, 2024 04:47 PMશું છે કોલ્ડપ્લે, જેનો ભારતમાં જબરો ક્રેઝ, ટિકિટની કિંમત અધધ..7 લાખ રૂપિયા
September 23, 2024 04:19 PMસુપ્રિમ કોર્ટ પહોંચ્યો તિરુપતિ લાડુનો વિવાદ, તપાસ માટે ખાસ સમિતિ બનાવવા કરાઈ માંગ
September 23, 2024 04:19 PMCopyright © 2023-2024 Aajkaal Daily
Developed by Rhythm Infotech