રાજકોટમાં ટીઆરપી અગ્નિકાંડની ઘટના બાદ નિયમો કડક બનાવવામાં આવ્યા છે. ગેરકાયદે ફટાકડાના વેચાણ કરનાર સામે પોલીસ કડક પગલા રહી છે.ત્યારે રાજકોટ ગ્રામ્ય એસોજીની ટીમે મેટોડા જીઆઇડીસીમાં ગેટ નંબર-3 પાસે ગેરકાયદે ફટાકડાનો સ્ટોલ રાખનાર શખસને ઝડપી લઇ અહીંથી રૂપિયા 1.28 લાખનો મુદ્દામાલ કબજે કયર્િ બાદ આ જ વિસ્તારમાંથી એસોજીની ટીમને વધુ બે ફટાકડાના ગેરફાયદા સ્ટોલ ઝડપી લીધા હતા.સ્ટોલધારક સામે પોલીસે ગુનો નોંધી કાયદેસરની કાર્યવાહી કરી હતી.
જાણવા મળતી વિગતો મુજબ, રાજકોટ જિલ્લા પોલીસવડા જયપાલસિંહ રાઠોડની સુચના હેઠળ એસ.ઓ.જી પી.આઈ એફ.એ. પારગીના માર્ગદર્શનમાં એસ.ઓ.જી.પી.એસ.આઇ બી.સી. મિયાત્રા તથા તેમની ટીમ જિલ્લામાં ક્યાંય ગેરકાયદે ફટાકડાનું વેચાણ થાય છે કે કેમ? તે અંગે તપાસમાં હતી દરમિયાન ગઈકાલે મેટોડા જીઆઇડીસીમાં ગેટ નંબર-3 પાસે મંજૂરી વગર ફટાકડાનો સ્ટોલ રાખનાર યાજ્ઞિક શૈલેષભાઈ જરવરીયા (રહે.મેટોડા જીઆઇડીસી ગેટ નંબર 3) ને ઝડપી લઈ અહીંથી અલગ- અલગ પ્રકારના ફટાકડા કિંમત રૂપિયા 1,28,478 નો મુદ્દામાલ કબજે કર્યો હતો.
દરમિયાન આજરોજ એસોજીની ટીમે મેટોડા જીઆઇડીસી વિસ્તારમાં ગેટ નંબર-3 પાસે આદ્યશક્તિ નામનો ફટાકડાનો સ્ટોલ ગેરકાયદે રીતે રાખવામાં આવ્યો હોય પોલીસે સ્ટોલ ધારક રાયધન કાનાભાઈ બાંભવા(ઉ.વ 27 રહે. મેટોડા) સામે કાર્યવાહી કરી અહીંથી અલગ-અલગ પ્રકારના 82,250 ના ફટાકડા કબજે કરી જરૂરી કાર્યવાહી કરી હતી. જ્યારે મેટોડા જીઆઇડીસીમાં જ ગેટ નંબર-3 પાસે ફાયર સ્ટેશન નજીક ફટાકડાનો સ્ટોલ રાખનાર દિનેશ નાથાભાઈ સાગઠીયા (ઉ.વ 48 રહે. ખીરસરા તા.લોધીકા)ની સામે કાર્યવાહી કરી અહીંથી રૂ.23,356 ના ફટાકડા કબજે કયર્િ હતા.
પોલીસે બંને સામે કોઈપણ પ્રકારના લાઇસન્સ કે આધાર વગર અને કોઈ પણ પ્રકારના ફાયર સેફ્ટીના સાધનો વગર રાખી વેચતો હોય જેનાથી લોકોની જિંદગી જોખમમાં મુકાઈ શકે તેમ હોય તેથી આ શખસે બેદરકારી દાખવી ફટાકડાનું વેચાણ કરતા તેની સામે બીએનએસની કલમ 125, 288 તથા સ્ફોટક અધિનિયમ 1884 ની કલમ 9(બી) મુજબ ગુનો દાખલ કરી કાયદેસરની કાર્યવાહી કરી હતી.