મહારાષ્ટ્રના બુલઢાણામાં ટ્રિપલ અકસ્માત, 5 લોકોના મોત, 24 થી વધુ ઘાયલ

  • April 02, 2025 11:03 AM 
Aajkaal Daily (Desh Pardesh Ni Aajkaal)
મહારાષ્ટ્રના બુલઢાણામાં આજે સવારે એક ભયાનક માર્ગ અકસ્માતમાં પાંચ લોકોના મોત થયા છે. આજે સવારે પૂર્વ મહારાષ્ટ્રના બુલઢાણા જિલ્લામાં બસ અને સ્પોર્ટ્સ યુટિલિટી વાહન (એસયુવી) વચ્ચે ટક્કર થતાં પાંચ લોકોના મોત થયા હોવાનું પોલીસે જણાવ્યું હતું. જ્યારે 24 થી વધુ લોકો ઘાયલ થયા છે. ઘટનાની માહિતી મળતા જ પોલીસ ઘટનાસ્થળે પહોંચી ગઈ હતી અને આગળની કાર્યવાહી શરૂ કરી હતી. ઘાયલોની સારવાર ખામગાંવની સરકારી હોસ્પિટલમાં ચાલી રહી છે. આ અકસ્માતથી વિસ્તારમાં ભયનો માહોલ સર્જાયો છે.


ખામગાંવ-શેગાંવ હાઇવે પર સવારે લગભગ 5.30 વાગ્યે એક ઝડપી ગતિએ આવતી બોલેરો કાર મહારાષ્ટ્ર રાજ્ય માર્ગ પરિવહન નિગમની બસ સાથે અથડાઈ હતી. એ પછી તરત જ એક ખાનગી બસે બંને વાહનોને ટક્કર મારી. ખાનગી બસના આગળના કેબિનને ભારે નુકસાન થયું છે. ક્ષતિગ્રસ્ત ભાગમાંથી ડ્રાઇવરને બચાવવાના પ્રયાસો ચાલુ છે.


અકસ્માત એટલો ગંભીર હતો કે ત્રણેય વાહનો કકડભૂસ થઈ ગયા હતા. હાલમાં, મોટી સંખ્યામાં પોલીસનો કાફલો ઘટના સ્થળ પર હાજર છે અને આગળની કાર્યવાહી કરવામાં આવી રહી છે



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application