રાજકોટ જિલ્લા કલેકટરની નવી કચેરી ખાતે આવતીકાલે જિલ્લા કલેકટર પ્રભાવ જોષીના અધ્યક્ષ સ્થાને લેન્ડગ્રેબિંગ કમિટીની મીટીંગ મળનાર છે જેમાં વિવિધ 100 કેસ અંગે હિયરિંગ થનાર હોવાનું જાણવા મળે છે.

વિશેષમાં અંગે રાજકોટ જિલ્લા કલેકટર કચેરીના સૂત્રોમાંથી પ્રાપ્ત વિગતો મુજબ સામાન્ય રીતે દર સપ્તાહે મળતી લેન્ડ ગ્રેબિંગ કમિટીની બેઠક ચાલુ સપ્તાહમાં આવતીકાલે તા.13ને મંગળવારે મળનારી છે જેમાં વિવિધ 100 કેસ અંગેની સુનાવણી થશે.
સુત્રોમાંથી પ્રાપ્ત માહિતી મુજબ હાલમાં જિલ્લા કલેકટર તંત્ર આજના રાષ્ટ્રપતિના કાર્યક્રમ તેમજ આગામી દિવસોમાં યોજાનારા પ્રધાનમંત્રીના કાર્યક્રમને અનુલક્ષીને સતત વ્યસ્ત હોય આ વખતે લેન્ડ ગ્રેબિંગ કમિટીની મીટીંગ થોડી વિલંબિત થઇ છે, જેના લીધે સુનાવણી થનારા કેસોની સંખ્યામાં પણ વધારો થયો છે.