આજકાલ લોકો પોતાની ફિટનેસ જાળવવા માટે અનેક રીતો અપનાવી રહ્યા છે. ડાયટથી લઈને જિમ વર્કઆઉટ સુધી, લોકો ફિટ અને હેલ્ધી રહેવા માટે ઘણું બધું કરે છે. જ્યારે પણ જીમની વાત આવે છે ત્યારે મોટાભાગના લોકો ટ્રેડમિલ વિશે વિચારે છે. તે જીમમાં ઉપયોગમાં લેવાતા સૌથી લોકપ્રિય ફિટનેસ ઉપકરણોમાંનું એક છે, પરંતુ શું જાણો છો કે આજે જે ટ્રેડમિલ જુઓ છો તેની પ્રથમ શોધ ક્યારે થઈ હતી?

મકાઈને પીસવા માટે ટ્રેડમિલનો થતો હતો ઉપયોગ

ટ્રેડમિલની શોધનો શ્રેય સર વિલિયમ ક્યુબિટ (1785-1861) નામના સિવિલ એન્જિનિયરને જાય છે, જેમણે 1818માં ટ્રેડમિલ, જેને રનિંગ વ્હીલ તરીકે પણ ઓળખવામાં આવે છે, ક્યુબિટ મિલ કામદારોના પરિવારમાં જન્મેલા અને ઉછરેલા છે તેમણે  મકાઈને પીસવા માટે ટ્રેડમિલની શોધ કરી હતી. તે દરમિયાન તેણે તેનું નામ 'ટ્રેડવ્હીલ' રાખ્યું.

કેદીઓને સજા કરવા માટે ટ્રેડમિલનો ઉપયોગ

ક્યુબિટે ટ્રેડવ્હીલ ડીઝાઇનની વિવિધ ભિન્નતાઓ કરી, જેમાં એવી ડીઝાઇનનો સમાવેશ થાય છે જેમાં ટ્રેડવ્હીલમાં બે પૈડા હતા જેના પર ચાલી શકો અને તેમના કોગ્સ એકબીજા સાથે જોડાયેલા હતા. જો કે, તેમની સૌથી લોકપ્રિય ડિઝાઇન લંડનની બ્રિક્સટન જેલમાં સ્થાપિત કરવામાં આવી હતી. તેમાં વિશાળ વ્હીલનો સમાવેશ થતો હતો અને કેદીઓ તેમના પગને વ્હીલમાં પગથિયાં જેવા ખાંચો પર દબાવતા હતા, જેના કારણે વ્હીલ ફરતું હતું.

બ્રિક્સટન જેલમાં સ્થાપિત ટ્રેડવ્હીલ ભૂગર્ભ મશીન સાથે જોડાયેલ હતું, જે મકાઈને ગ્રાઇન્ડ કરે છે. આ રીતે તેની સાથે અનાજ પણ દળવામાં આવતું અને કેદીઓને સજા પણ થતી. આ મશીનની મદદથી 24 કેદીઓને એક સાથે વ્યસ્ત રાખવામાં આવતા હતા. તેઓને ઉનાળામાં દિવસમાં 10 કલાક અને શિયાળામાં દિવસમાં સાત કલાક મહેનત કરાવવામાં આવતી હતી.

ટ્રેડમિલ ત્રાસ માટેનું ઉપકરણ બની ગયું

19મી સદીના અંતની આસપાસ, અંગ્રેજોએ જેલોમાં સુધારો કરવાનું અને કેદીઓને ખોરાક અને ધાબળા જેવી આવશ્યક ચીજવસ્તુઓ પૂરી પાડવાનું શરૂ કર્યું. આવી સ્થિતિમાં લોકોને ચિંતા થવા લાગી કે ગરીબ લોકો જેલમાં જવા માટે અને મફતમાં વસ્તુઓ મેળવવા માટે ગુના કરશે.

શરૂઆતમાં, આ ટ્રેડમિલ્સનો ઉપયોગ મકાઈને પીસવા અથવા પાણી પંપ કરવા માટે કરવામાં આવતો હતો, પરંતુ ટૂંક સમયમાં તે સજા કરવા માટેની એક પદ્ધતિ બની ગઈ. ઈતિહાસકાર ડેવિડ શૅટના જણાવ્યા અનુસાર, 1842 સુધીમાં ઈંગ્લેન્ડ, સ્કોટલેન્ડ અને વેલ્સની 200 જેલોમાંથી લગભગ 109 જેલો તેનો ઉપયોગ કરતી હતી પરંતુ આડ અસરો ટૂંક સમયમાં જ સ્પષ્ટ થઈ ગઈ. તેના પર ચાલવાને કારણે કેદીઓ પડવા લાગ્યા અને ઘાયલ થવા લાગ્યા અને હ્રદયના દર્દીઓ સતત મૃત્યુ પામવા લાગ્યા, ત્યારબાદ 1898માં તેના પર પ્રતિબંધ મૂકવામાં આવ્યો.

ફિટનેસ માટે તેનો ઉપયોગ આ રીતે થયો શરૂ

જો કે  ટ્રેડમિલ પછીથી અમેરિકામાં પ્રખ્યાત થયું અને ક્લાઉડ લોરેન હેગન નામના વ્યક્તિએ 1911માં તેના પેટન્ટ માટે અરજી કરી. અહીં વર્ષ 1822માં તેઓનો જેલમાં ઉપયોગ કરવામાં આવ્યો હતો.  પછી તે સમજાવવામાં આવ્યું કે થોડો સમય પણ ટ્ચારેડમિલ પર ચાલવાથી ઘણા સ્વાસ્થ્ય લાભો મળે છે અને આ રીતે તેનો ઉપયોગ ફિટનેસ માટે થવા લાગ્યો.  પ્રથમ વખત, આરોગ્ય સુધારવા માટે ટ્રેડમિલની રચના કરવામાં આવી, જે આધુનિક ટ્રેડમિલ જેવી જ દેખાતી હતી.