લાખો રૂપિયાનો ખર્ચે નબળી દિવાલ બની હોવાનો આક્ષેપ

દેવભૂમિ દ્વારકામાં અનેક વિકાસના કાર્યો ચાલી રહ્યા છે આ કાર્યો પૈકીના એક એવા સનસેટ પોઈન્ટ નજીકના વોકીંગ ટ્રેકની દિવાલનો એક ભાગ પહેલા વરસાદમાં જ  લોકાર્પણ પહેલા જ ધરાશાયી થઈ ગયો છે.

રાજય સરકારની ગ્રાન્ટમાંથી તંત્ર દ્વારા કોન્ટ્રાકટ બેઈઝ લોકોની સુખાકારી હેતુ બનાવવામા આવી રહેલા આ વોકીંગ ટ્રેકનું હજું સુધી લોકાર્પણ પણ કરવામાં આવેલ નથી અને દિવાલ બન્યાના પહેલા વરસાદમાં  દિવાલનો આશરે ૫૦ મીટરથી વધુ જેટલો ભાગ ધરાશાયી થઈ ગયો છે.

લાખો રૂપિયાના ખર્ચે આ કામગીરી ચાલી રહી છે અને પ્રાથમિક દ્રષ્ટિએ દિવાલની ગુણવત્તા સામે સવાલો ઉભા થાય છે .આ કામગીરી અંગે ઝીણવટભરી તપાસ અને કવોલિટી તપાસ કરવા લોકો માંગણી કરી રહ્યા છે.