મહાનગરપાલિકાના સિનિયર ડેઝીગ્નેટેડ ફૂડ ઓફિસરએ આ અંગેની વિગતો જાહેર કરતા જણાવ્યું હતું કે મ્યુનિ.ફૂડ બ્રાન્ચ દ્વારા લેવામાં આવેલ વિવિધ ખાદ્ય પદાર્થોના ચાર નમૂના લેબોરેટરી પરીક્ષણમાં મોકલ્યા હતા જેના પુથ્થકરણ રિપોર્ટમાં આ ચારેય સેમ્પલ સબસ્ટાન્ડર્ડ (ફેઇલ) જાહેર થયા હતા. જેમાં (૧) ધ સેન્ડવીચ અડ્ડા(ફૂડ ટ્રક), વિરાણી સ્કૂલ ગ્રાઉન્ડ, હેમુ ગઢવી હોલ પાસે, ટાગોર રોડ, રાજકોટ મુકામેથી લેવામાં આવેલ ખાદ્યચીજ બટર (લુઝ)ના સેમ્પલના પુથ્થકરણ રિપોર્ટમાં તીલ ઓઇલની (વેજીટેબલ ઓઇલ) હાજરી મળી આવતા નમુનો સબસ્ટાન્ડર્ડ જાહેર થયેલ છે. જે અંગે એજયુડિકેશન કાર્યવાહી કરવામાં આવશે. મેનુમાં બટર ઉપયોગ કરી બનાવતી ખાદ્યચીજોમાં હકીકતમાં બટર જેવા દેખાવ ધરાવતા ફેટ સ્પ્રેડ/માર્ગેરીનનો ઉપયોગ કરતાં હોવાનું જણાયેલ છે.

તેમણે ઉમેર્યું હતું કે ઉપરોક્ત ઉપરાંત ડીલાઇટ આઇસ્ક્રીમ, ગઢીયા એસ્ટેટ, ઉમાકાંત પંડિત ઉદ્યોગનગર, મહાદેવવાદી મેઇન રોડ, રાજકોટ મુકામેથી લેવામાં આવેલ ખાદ્યચીજ પાન મસાલા ફલેવર્ડ આઇસ્ક્રીમ લુઝના નમૂનાની તપાસ કરતા પૃથ્થકરણ રિપોર્ટમાં મિલ્ક ફેટનું પ્રમાણ ધારા ધોરણ કરતાં ઓછું મળી આવતા નમૂનો સબસ્ટાન્ડર્ડ જાહેર થયેલ છે. જે અંગે એજયુડિકેશન કાર્યવાહી કરવામાં આવશે. તદઉપરાંત ક્રીમઝેન આઇસ્ક્રીમ પ્રા.લિ., પાન એમ્પાયર, શોપ નં.-૫, સિલ્વર હાઇટ્સ સામે, નાનામવા રોડ, રાજકોટ મુકામેથી લેવામાં આવેલ ખાદ્યચીજ કેશર પિસ્તા આઇસ્ક્રીમ લુઝ સેમ્પલના પૃથ્થકરણ રિપોર્ટમાં મિલ્ક ફેટનું પ્રમાણ ધારા ધોરણ કરતાં ઓછું મળી આવતા નમૂનો સબ સ્ટાન્ડર્ડ જાહેર થયો હતો, આ જ પેઢીમાંથી સ્ટ્રોબેરી આઇસ્ક્રીમ લુઝના સેમ્પલના

પૃથ્થકરણ રિપોર્ટમાં ટોટલ સોલીડ્સ તથા મિલ્ક ફેટનું પ્રમાણ ધારા ધોરણ કરતાં ઓછું મળી આવતા નમૂનો સબસ્ટાન્ડર્ડ જાહેર થયેલ છે. આ બન્ને મામલે જે એજયુડિકેશન કાર્યવાહી કરવામાં આવશે.

ફૂડ વિભાગની ટીમ દ્વારા સર્વેલન્સ ચેકિંગ દરમિયાન શહેરના રેલનગર ફાયર બ્રિગેડ સ્ટેશન વિસ્તારમાં આવેલ ખાદ્યચીજોનું વેચાણ કરતાં કુલ ૨૨ ધંધાર્થિની ચકાસણી હાથ ધરવામાં આવી હતી જેમાં ૧૧ ધંધાર્થિઓને લાઇસન્સ બાબતે સૂચના આપી અવેરનેસ ડ્રાઇવ કરવામાં આવેલ. તેમજ ખાધ્યચીજોના કુલ ૧૯ નમૂનાની સ્થળ ઉપર ચકાસણી કરવામાં આવી હતી.