વડા પ્રધાન નરેન્દ્ર મોદી આજે મધ્ય પ્રદેશના ખજુરાહોમાં કેન–બેતવા નદીને જોડતી પ્રોજેકટનો શિલાન્યાસ કરશે. નેશનલ રિવર ઇન્ટરલિંકિંગ પોલિસી હેઠળ આ પ્રકારની પ્રથમ પહેલ છે. એમપીના મુખ્યમંત્રી મોહન યાદવે કહ્યું કે આ પ્રોજેકટ હેઠળ મધ્યપ્રદેશના ૧૦ જિલ્લાના લગભગ ૪૪ લાખ અને ઉત્તર પ્રદેશના ૨૧ લાખ લોકોને પીવાનું પાણી મળશે. આ પ્રોજેકટનો અંદાજિત ખર્ચ ૪૪,૬૦૫ કરોડ પિયા છે. તેમણે કહ્યું કે આ પ્રોજેકટથી ૨,૦૦૦ ગામોના લગભગ ૭.૧૮ લાખ ખેડૂત પરિવારોને ફાયદો થશે. આનાથી ૧૦૩ મેગાવોટ હાઇડ્રોપાવર અને ૨૭ મેગાવોટ સોલાર એનર્જી પણ
જનરેટ થશે.
સીએમ યાદવે કહ્યું, વડાપ્રધાન મોદી છતરપુર જિલ્લાના ખજુરાહોમાં આ પ્રોજેકટનો શિલાન્યાસ કરવા આવી રહ્યા છે. આ પ્રોજેકટ મધ્યપ્રદેશ અને ઉત્તર પ્રદેશના બુંદેલખંડની તસવીર અને ભાગ્યને બદલી નાખશે. તેમણે કહ્યું કે કેન–બેતવા લિંક પ્રોજેકટ કેન્દ્ર સરકાર, મધ્યપ્રદેશ અને ઉત્તર પ્રદેશ વચ્ચે સહકાર અને સંકલનનું અનોખું ઉદાહરણ છે.વડાપ્રધાન મોદીએ પૂર્વ વડાપ્રધાન સ્વર્ગસ્થ અટલ બિહારી વાજપેયીના નદી જોડાણ અભિયાનના સ્વપનને સાકાર કરવાની પહેલ કરી છે. આ પ્રોજેકટ દ્રારા ખેડૂતોને સિંચાઈ માટે પૂરતું પાણી મળશે અને પીવા અને ઔધોગિક ઉપયોગ માટે પણ પૂરતું પાણી મળશે.સીએમ યાદવે વિસ્તારના આર્થિક અને સામાજિક વિકાસની સાથે પ્રવાસનને પણ પ્રોત્સાહન મળશે અને રોજગારીની નવી તકો ઉભી થશે. દુષ્કાળગ્રસ્ત બુંદેલખડં પ્રદેશમાં ભૂગર્ભજળની સ્થિતિમાં પણ સુધારો થશે.મુખ્યમંત્રીએ કહ્યું કે કેન–બેતવા દેશની સૌથી મોટી સિંચાઈ યોજના છે, જેમાં ભૂગર્ભ દબાણ પાઇપ સિંચાઈ પદ્ધતિ અપનાવવામાં આવી છે. પ્રોજેકટ હેઠળ, પન્ના ટાઇગર રિઝર્વમાં કેન નદી પર ૭૭ મીટર ઐંચો અને ૨.૧૩ કિમી લાંબો દૌધન ડેમ અને બે ટનલ (ઉપલા સ્તર ૧.૯ કિમી અને નીચલા સ્તર ૧.૧ કિમી) બનાવવામાં આવશે.
ડેમમાં ૨,૮૫૩ મિલિયન કયુબિક મીટર પાણીનો સંગ્રહ થશે. કેન નદીના વધારાના પાણીને દૌધન ડેમમાંથી ૨૨૧ કિલોમીટર લાંબી લિંક કેનાલ દ્રારા બેતવા નદીમાં ટ્રાન્સફર કરવામાં આવશે, જે બંને રાયોમાં સિંચાઈ અને પીવાના પાણીની સુવિધા પૂરી પાડશે.આ પ્રોજેકટ દ્રારા, પન્ના, દમોહ, છતરપુર, ટીકમગઢ, નિવારી, સાગર, રાયસેન, વિદિશા, શિવપુરી અને દતિયા – ૧૦ જિલ્લાના ૨,૦૦૦ ગામોમાં ૮.૧૧ લાખ હેકટર વિસ્તારને સિંચાઈ કરી શકાય છે. લગભગ સાત લાખ ખેડૂત પરિવારોને તેનો લાભ મળશે.
કેન–બેતવા પ્રોજેકટ ઉત્તર પ્રદેશમાં ૫૯,૦૦૦ હેકટર વિસ્તારને વાર્ષિક સિંચાઈની સુવિધા પૂરી પાડશે અને ૧.૯૨ લાખ હેકટર વિસ્તારમાં હાલની સિંચાઈને સ્થિર કરશે, જેનાથી ઉત્તર પ્રદેશના મહોબા, ઝાંસી, લલિતપુર અને બાંદા જિલ્લાઓમાં સિંચાઈની સુવિધા ઉપલબ્ધ થશે. આ પ્રોજેકટમાં મધ્યપ્રદેશના છતરપુર, ટીકમગઢ અને નિવારી જિલ્લામાં આવેલા ઐતિહાસિક ચંદેલા હેરિટેજ તળાવોને બચાવવાનું કામ પણ સામેલ છે, યાં વરસાદની મોસમ દરમિયાન પાણીનો સંગ્રહ કરી શકાય છે.
દૌધન જળાશય પન્ના ટાઈગર રિઝર્વમાં જંગલી પ્રાણીઓને આખું વર્ષ પીવાનું પાણી પૂં પાડશે, વન ઇકોસિસ્ટમમાં સુધારો કરશે અને યુપીના બાંદા જિલ્લાને પૂરના ભયથી રાહત આપશે. તેમણે કહ્યું કે બુંદેલખડં ક્ષેત્રમાં પ્રવર્તી રહેલી જળસંકટનો અતં આવશે અને રોજગાર માટે સ્થળાંતર પણ બધં થઈ જશે. આ પ્રોજેકટના અમલીકરણ માટે  મોદીની હાજરીમાં ૨૨ માર્ચ, ૨૦૨૧ના રોજ મધ્યપ્રદેશ, ના મુખ્યમંત્રીઓ અને કેન્દ્રીય જલ શકિત મંત્રી દ્રારા ત્રિપક્ષીય સમજૂતી કરાર પર હસ્તાક્ષર કરવામાં આવ્યા હતા