જુની પેન્શન યોજનાની અમલવારીનો થતા પોરબંદરના શિક્ષકોમાં ખુશી જોવા મળી છે અને ધારાસભ્ય અને પૂર્વ કેબિનેટમંત્રીનો આભાર માન્યો હતો. પોરબંદર જિલ્લા પ્રાથમિક શિક્ષક સંઘ  દ્વારા ૧-૪-૨૦૦૫ પહેલા ના કર્મચારીઓ માટે  જુની પેન્શન યોજનાનો અમલ કરવામાં આવતા ગુજરાત રાજય પ્રાથમિક શિક્ષક સંઘ દ્વારા નિયત થયેલ કાર્યક્રમના ભાગ‚પે ધારાસભ્ય અર્જુનભાઈ મોઢવાડીયા,પુર્વ મંત્રી બાબુભાઈ બોખીરીયા, જિલ્લા પંચાયત પ્રમુખ પરબતભાઈ પરમાર અને જિલ્લા ભાજપ પ્રમુખ રમેશભાઈ ઓડેદરાને પુષ્પગુચ્છ આપી અને મોં મીઠું કરાવી આભાર વ્યકત કરવામાં આવ્યો હતો.આ કાર્યક્રમમાં બહોળી સંખ્યામાં જિલ્લાના કર્મચારીઓ ઉપસ્થિત રહી ખુશી વ્યકત કરવામાં આવી હતી.