રાજકોટના તબીબની એપોઇન્ટમેન્ટ માટેે ગુગલ પરથી નંબર મેળવી વાતચીત બાદ અજાણી મહિલાએ મોકલેલ લીંક ખોલતા જ જૂનાગઢના શિક્ષકના ખાતામાંથી ૯૯,૫૦૦ની રકમ ટ્રાન્સફર થઈ જતા ઓનલાઇન છેતરપિંડીની  ફરિયાદ થઈ છે.જૂનાગઢમાં રહેતા શિક્ષકે રાજકોટના તબીબની એપોઇન્ટમેન્ટ લેવા ગુગલમાંથી નંબર મેળવી તે નંબર પર ફોન કરતા અજાણી બહેને દવાખાનાથી જ બોલતી હોવાનું જણાવી લિંક મોકલતા લિંક ઓપન થતા જ શિક્ષકના બેંક ખાતામાંથી અલગ અલગ ચાર ટ્રાન્જેકશન દ્રારા ૯૯,૫૦૦ની રકમ ટ્રાન્સફર થયા મામલે ઓનલાઇન છેતરપિંડી થયા અંગે અજાણ્યા નંબર સામે ફરિયાદ નોંધાતા પોલીસે વધુ તપાસ હાથ ધરી છે. આ અંગે બી ડિવિઝનમાંથી પ્રા વિગત મુજબ જૂનાગઢના ઝાંઝરડા રોડ જોગી પાર્ક સોસાયટીમાં રહેતા અને શિક્ષક તરીકે ફરજ બજાવતા કિશોરચદ્રં છગનલાલ દવેએ ગુગલમાંથી રાજકોટના ડો.રાજેશ તૈલીના નંબર  મેળવ્યા હતા.તેમાં એપોઇન્ટમેન્ટ લેવા માટે ફોન કરતા સામેથી એક અજાણ્યા બહેને ડો. રાજેશ તેલીના દવાખાનાથી બોલું છું તેવું  બોલી એપોઇન્ટમેન્ટ માટે શિક્ષકને લિંક મોકલી હતી. જે લિંક શિક્ષકે મોબાઈલમાં ઓપન કરી ત્યારબાદ તેના એસબીઆઇ બેન્ક એકાઉન્ટ નંબરમાંથી અલગ અલગ ચાર ટ્રાન્જેકશન થી ૯૯,૫૦૧ની રકમ ટ્રાન્સફર થઈ જતા અજાણ્યા ત્રણ મોબાઈલ નંબરના ધારક સામે ઓનલાઈન છેતરપિંડી કર્યા અંગે બી ડિવિઝનમાં ફરિયાદ નોંધાવતા વધુ તપાસ પીઆઈ ગઢવીએ હાથ ધરી છે