શહેરના મોજ નદીના પુલ ભારે વાહનો માટે ભયજનક લાગતાં જાહેરનામા બાદ પુલની બન્ને તરફ લગાવવામાં આવેલા ગડરા અજાણ્યા વાહનચાલક દ્વારા તોડી પડાયા હોય રાહદારીઓમાં રોષ જોવા મળી રહ્યો છે.
ઉપલેટા નગરપાલિકા દ્વારા મોજ નદીના પુલની બન્ને તરફ પુલ ભારે વાહનો માટે ભયજનક લાગતા પુલ આગળ પાછળ મોટા મોટા ગડરો લગાવવામાં આવેલા હતાં. જેથી ભવિષ્યમાં કોઇ મોટી દુર્ઘટના ન બને પણ બે દિવસ પહેલા મુકાયેલા લોખંડના મોટા ગડરો કોઇ વાહન ચાલકે તોડી નાખતા નગરપાલિકા દ્વારા તપાસ હાથ ધરવામાં આવી છે. તોડી પડાયેલા ગડરો તાત્કાલીક પાછા મુકવામાં આવે તો કોઇ દુર્ઘટના બનતી અટકાવી શકાય છે.