ઉત્તર પ્રદેશના આગ્રામાં એક ચોંકાવનારો કિસ્સો સામે આવ્યો છે. અહીં રાજકુમાર નામના ખેડૂતને બે મહિના સુધી કેન્સરના દર્દીની જેમ માનસિક, શારીરિક અને આર્થિક પીડા સહન કરવી પડી હતી. ઉધરસની ફરિયાદ પર ડોક્ટરે લેબમાંથી ટેસ્ટ કરાવ્યો. જેમાં કેન્સરને કારણે 7-8 લાખ રૂપિયાનો ખર્ચ થશે તેમ કહેવામાં આવ્યું હતું. બીમારી વિશે સાંભળીને પરિવાર ગભરાઈ ગયો હતો. પરિવાર તેને પહેલા મુંબઈ અને પછી નોઈડાની હોસ્પિટલમાં લઈ ગયો. બંનેના રિપોર્ટ નેગેટિવ આવ્યા હતા.
આ અંગે પોલીસ કમિશનર અને સીએમઓને ફરિયાદ કરવામાં આવી હતી. 21 મહિના બાદ આ મામલે બે પેથોલોજીસ્ટ સામે કેસ નોંધવામાં આવ્યો હતો. પીડિત વ્યક્તિએ તપાસ હાથ ધરનાર ત્રણ ડોક્ટરો પર પણ કાવતરામાં સામેલ હોવાનો આરોપ લગાવ્યો છે. 17 જાન્યુઆરી, 2023ના રોજ કિરાવલીના કુકાથલા ગામના રહેવાસી રાજકુમારે ઉધરસને કારણે એસએન મેડિકલ કોલેજના પ્રોફેસર ડો.ટી.પી.સિંઘને બતાવી તેની સલાહ લીધી હતી.
તેમની પાસેથી દવા લીધા પછી પણ તબિયતમાં સુધારો થયો ન હતો. લોહીની ઉલ્ટી થવા લાગી. ડો.ટી.પી.સિંહે તેને ફેફસાની બાયોપ્સી માટે ડો.મુકેશ શમર્િ પાસે મોકલ્યો. સ્લાઇડને તપાસ માટે અગ્રવાલ ક્રિટિકલ કેર સેન્ટર, શાંતિ મધુવન પ્લાઝામાં મોકલવામાં આવી હતી. ક્લિનિકલ પેથોલોજીમાં તપાસ કરવામાં આવી હતી. રિપોર્ટમાં ફેફસાનું કેન્સર હોવાનું જણાવાયું હતું.ડોક્ટરે તાત્કાલિક સારવારની સલાહ આપી. માત્ર બે-ચાર દિવસ જ બચ્યા હોવાનો ભય દશર્વિાયો હતો. જેના કારણે આખો પરિવાર ડરી ગયો હતો. ડોક્ટરની સલાહ પર સિક્ધદરા સ્થિત પુરુષોત્તમ દાસ સાવિત્રી દેવી કેન્સર એન્ડ રિસર્ચ સેન્ટરમાં ડોક્ટર સંદીપ અગ્રવાલ પાસે રિપોર્ટ કરાવ્યા. 11 ફેબ્રુઆરી 2023ના રોજ રિપોર્ટ બતાવવા પર ડો. મુકેશ શમર્એિ ઓપરેશનની સલાહ આપી. તેનો ખર્ચ પણ 7-8 લાખ રૂપિયા હોવાનું કહેવાય છે. તેની પાસે એટલા પૈસા નહોતા. તેણે પોતાને ડોક્ટર દ્વારા એઈમ્સમાં રેફર કરાવ્યો. 13 ફેબ્રુઆરીના રોજ, તેઓ મુંબઈની ટાટા મેમોરિયલ કેન્સર હોસ્પિટલમાં ગયા જ્યાં 23 ફેબ્રુઆરી સુધી ટેસ્ટ કરવામાં આવ્યા. છેલ્લી વખત 6 માર્ચે રિપોર્ટ નેગેટિવ આવ્યો હતો. ડોક્ટરે કેન્સરની શક્યતા નકારી કાઢી.
અગાઉની તપાસના સેમ્પલ લાવવા જણાવ્યું હતું પરંતુ જ્યારે તે લેબમાં ગયો ત્યારે તેણે સેમ્પલ આપ્યા ન હતા. તેઓ સંતુષ્ટિ માટે નોઈડાની મેદાંતા હોસ્પિટલ પણ ગયા હતા. ડોક્ટરે કેન્સરની શક્યતા નકારી કાઢી. આરોપ છે કે ડો.ટી.પી. સિંહ, ડો. મુકેશ શમર્,િ ડો. સંદીપ અગ્રવાલ, ક્લિનિકલ પેથોલોજી લેબના ડો. અર્પિત અગ્રવાલ અને ડો. અનિલ અગ્રવાલે ષડયંત્રના ભાગરૂપે કેન્સરનો ખોટો રિપોર્ટ આપ્યો હતો.
જેના કારણે તેને માનસિક, શારીરિક અને આર્થિક ત્રાસનો સામનો કરવો પડ્યો હતો. આ મામલે પોલીસ કમિશનરને ફરિયાદ કરવામાં આવી હતી. સીએમઓએ પણ તપાસ કરાવી હતી. હરિપર્વત પોલીસ સ્ટેશનના ઈન્ચાર્જ ઈન્સ્પેક્ટરે જણાવ્યું કે પેથોલોજિસ્ટ ડો. અર્પિત અગ્રવાલ અને ડો. અનિલ અગ્રવાલ વિરુદ્ધ કેસ નોંધવામાં આવ્યો છે.