કેન્યાની ચીઝ ફેક્ટરીમાં બનેલી પરેશાન કરનારી ઘટના બાદ ત્રણ લોકોની ધરપકડ કરવામાં આવી છે. બ્રાઉન ફૂડ કંપનીના કર્મચારીઓનો દાવો છે કે તેમને પીરિયડ ચાલુ છે કે કેમ તે ચકાસવા માટે તેમને કપડાં ઉતારવાની ફરજ પાડવામાં આવી હતી.

એક અધિકારીએ જણાવ્યું કે, બ્રાઉન ફૂડ કંપનીના મેનેજરે મહિલા કર્મચારીઓને એકત્ર કરીને એ જાણવા માટે ભેગા કર્યા કે કોણે વપરાયેલ સેનિટરી નેપકિનને ખોટા ડસ્ટબિનમાં ફેંકી દીધા છે. જ્યારે કોઈએ આની જવાબદારી લીધી ન હતી, ત્યારે તેણે મહિલાઓને તેમના કપડા ઉતરાવ્યા હતા.

બ્રાઉન્સ ફૂડ કંપનીએ આરોપો બાદ કાર્યવાહી કરતા આરોપી મેનેજરને મામલાની તપાસ ન થાય ત્યાં સુધી સસ્પેન્ડ કરી દીધો હતો. લિમુરુમાં પોલીસે સ્થાનિક મીડિયાને જણાવ્યું હતું કે આ ઘટના અંગે ત્રણ લોકો પર અશ્લીલ હુમલો કરવાનો આરોપ મૂકવામાં આવ્યો છે.

બ્રાઉન્સ ફૂડ કંપનીએ તેની વેબસાઈટ પર એક નિવેદન જારી કરીને આ ઘટના પર ખેદ વ્યક્ત કર્યો અને કહ્યું કે તે કંપનીની સ્થાપિત પ્રક્રિયાઓને પ્રતિબિંબિત કરતી નથી. સમાન ઘટનાઓને રોકવાના પ્રયાસરૂપે, કંપની કર્મચારીઓને સંવેદનશીલ બનાવવા, સંદેશાવ્યવહાર સુધારવા અને હાલની નીતિઓ અને પ્રક્રિયાઓને મજબૂત કરવા મહિલા આરોગ્ય નિષ્ણાતની નિમણૂક કરવાની યોજના કરશે.

સ્થાનિક પોલીસે ખુલાસો કર્યો છે કે આ વિસ્તારની અન્ય કંપનીઓ તરફથી અપમાનજનક અને શરમજનક વર્તનની સમાન ઘટનાઓ નોંધવામાં આવી છે. પોલીસ વડા ફિલિપ મ્વાનિયાએ આ ક્રિયાઓની નિંદા કરતા કહ્યું કે આવી પ્રથાઓ લાંબા સમયથી ચાલી રહી છે. તેમણે આવા વર્તનમાં સંડોવાયેલા એમ્પ્લોયરોને ચેતવણી આપી હતી અને ખાતરી આપી હતી કે સંડોવાયેલા તમામ પીડિતોને ટૂંક સમયમાં ન્યાય આપવામાં આવશે.

પ્રચારકો કહે છે કે કેન્યામાં પીરિયડ શેમિંગ એક મોટી સમસ્યા છે. આ વર્ષની શરૂઆતમાં એક અલગ ઘટનામાં, સેનેટર ઓરવોબાને તેમના ટ્રાઉઝર પર દેખીતા લોહીના ડાઘને કારણે સંસદ છોડવાનો આદેશ આપવામાં આવ્યો હતો.