ભારતીય ટીમ અને ઇંગ્લેન્ડ વચ્ચે 5 મેચની ટી20 શ્રેણી રમાઈ રહી છે. સૂર્યકુમાર યાદવના નેતૃત્વ હેઠળની ભારતીય ટીમે આ ઘરઆંગણે શ્રેણીમાં પ્રથમ બે મેચ જીતીને 2-0થી લીડ મેળવી લીધી છે. હવે ભારતીય ટીમ અને ઇંગ્લેન્ડ વચ્ચે શ્રેણીની ત્રીજી મેચ 28 જાન્યુઆરીએ રાજકોટ ખાતે રમાશે.
ભારત અને ઇંગ્લેન્ડ વચ્ચેની આ ત્રીજી મેચ રાજકોટના ખંઢેરી સ્ટેડિયમ ખાતે રમાશે. જો ભારતીય ટીમ આ ત્રીજી મેચ પણ જીતી જાય છે, તો તે બ્રિટિશરો સામે ઐતિહાસિક વિજય મેળવશે. સૂયર્િ બ્રિગેડ પણ આ કરી શકે છે, કારણ કે ભારતીય ટીમનો રાજકોટના મેદાન પર શાનદાર રેકોર્ડ છે. ભારતીય ટીમ અને ઈંગ્લેન્ડ વચ્ચે અત્યાર સુધીમાં કુલ 8 દ્વિપક્ષીય ટી20 શ્રેણી રમાઈ છે. ઈંગ્લેન્ડે પહેલી 4 શ્રેણીમાંથી 3 જીતી હતી, જ્યારે એક શ્રેણી ડ્રો રહી હતી. ઇંગ્લેન્ડે જીતેલી બધી શ્રેણી એક મેચની શ્રેણી હતી. પરંતુ ત્યારથી ભારત અને ઇંગ્લેન્ડ વચ્ચે રમાયેલી બધી શ્રેણીઓ 3 કે તેથી વધુ મેચોની રહી છે. વધુમાં, આ બધી શ્રેણી ભારતે જીતી છે. પહેલી ચાર શ્રેણી હાયર્િ બાદ, ભારતીય ટીમે સતત ચાર ટી20 શ્રેણીમાં ઇંગ્લેન્ડને હરાવ્યું છે. હવે બંને ટીમો

વચ્ચે કુલ 9મી શ્રેણી રમાઈ રહી છે. ટીમ ઈન્ડિયા રાજકોટમાં અત્યાર સુધી ફક્ત એક જ મેચ હારી છે.
જો ભારતીય ટીમ રાજકોટની ત્રીજી ટી20 મેચ જીતી જાય તો તે શ્રેણી પર કબજો કરશે. આ રીતે, તેઓ ઇંગ્લેન્ડ સામે સતત 5મી ટી20 શ્રેણી જીતશે. આ ઇંગ્લિશ ટીમ સામે શ્રેણી જીતનો ઐતિહાસિક પંજો હશે. આવી સ્થિતિમાં, આ ત્રીજી મેચ પણ ઇંગ્લેન્ડ માટે ખૂબ જ ખાસ છે. પણ તેણે થોડું ધ્યાન રાખવું પડશે.
કારણ કે ઇંગ્લેન્ડની ટીમ રાજકોટમાં પોતાની પહેલી ટી20 મેચ રમશે. જ્યારે ભારતીય ટીમ અહીં 5 ટી20 મેચ રમી ચૂકી છે. આમાં ટીમ ઈન્ડિયાએ 4 મેચ જીતી છે અને એક હારનો સામનો કરવો પડ્યો છે. ભારતીય ટીમ 2017 થી આ મેદાન પર એક પણ ટી20 મેચ હાર્યું નથી. આવી સ્થિતિમાં, આ મેદાન પર ભારતનો સારો રેકોર્ડ રહ્યો છે.

પિચ રિપોર્ટ
ખંઢેરીની પિચ બેટ્સમેન માટે મદદપ રહી છે. બોલ બેટ પર સારી રીતે આવે છે અને સારો ઉછાળો આવે છે જેના કારણે અહીં મોટા સ્કોર બને છે. પહેલા બેટિંગ કરતી ટીમોને ઘણીવાર ફાયદો થાય છે કારણ કે તેમની પાસે મોટા લક્ષ્યો નક્કી કરીને વિરોધી ટીમ પર દબાણ લાવવાની તક હોય છે. આ સ્થળે રન ચેઝ થોડી મુશ્કેલ બની શકે છે કારણ કે સમય જતાં પરિસ્થિતિઓ થોડી મુશ્કેલ બને છે. સપાટ પિચ શરૂઆતમાં બેટ્સમેનોને મદદ કરે છે, પરંતુ પછીથી પિચ તેનો રંગ બદલવા લાગે છે. આવી સ્થિતિમાં, બંને ટીમો માટે ટોસ જીતવું મહત્વપૂર્ણ રહેશે, ટોસ જીતનાર ટીમ પહેલા બેટિંગ કરવાનું પસંદ કરશે.


ટી20 શ્રેણી માટે ભારત-ઇંગ્લેન્ડ ટીમો
ભારતીય ટીમ: સૂર્યકુમાર યાદવ (કેપ્ટન), સંજુ સેમસન (વિકેટકીપર), અભિષેક શર્મા  તિલક વર્મા,  હાર્દિક પંડ્યા, રિંકુ સિંહ, નીતિશ કુમાર રેડ્ડી, અક્ષર પટેલ (ઉપ-કેપ્ટન), હર્ષિત રાણા, અર્શદીપ સિંહ, મોહમ્મદ શમી, વરુણ ચક્રવર્તી , રવિ બિશ્નોઈ, વોશિંગ્ટન સુંદર અને ધ્રુવ જુરેલ (વિકેટકીપર).
ઇંગ્લેન્ડની ટીમ: જોસ બટલર (કેપ્ટન), રેહાન અહેમદ, જોફ્રા આર્ચર, ગુસ એટક્ધિસન, જેકબ બેથેલ, હેરી બ્રુક, બ્રાયડન કાર્સ, બેન ડકેટ, જેમી ઓવરટન, જેમી સ્મિથ, લિયામ લિવિંગસ્ટોન, આદિલ રશીદ, સાકિબ મહમૂદ, ફિલ સોલ્ટ અને માર્ક વુડ.

ખંઢેરીમાં ટીમનો દેખાવ
- મેચ- 5
- પ્રથમ બેટિંગ કરતી વખતે જીતેલી મેચો  3 (60%)
- પહેલા બોલિંગ કરતી વખતે જીતેલી મેચ  2 (40%)
- ટોસ જીત્યા પછી જીતેલા મેચ  4 (80%)
- ટોસ હાયર્િ પછી જીતેલી મેચ - 1 (20%)
- ચેઝમાં સૌથી વધુ સ્કોર - 202
- પ્રથમ બેટિંગ કરતી વખતે સરેરાશ સ્કોર - 189