થેલેસેમીયા કોઈ બીમારી નથી, તે લોહી સંબંધિત ખામી છે અને આ    લોહી સંબંધિત ખામી વ્યક્તિના જીવનમાં સમસ્યા ઉભી કરી શકે. પતિ- પત્ની બન્ને થેલેસેમીયા માઈનોર, કે એક થેલેસેમીયા મેજર હોય તો તેના સંતાનો થેલેસેમીયા મેજર થવાની શક્યતા વધુ રહે છે. થેલેસેમીયા ગ્રસ્ત બાળકો ને સમયાંતરે લોહી બદલાવવુ પડે છે.  આથી જ લગ્ન પૂર્વે કુંડળી તથા થેલેસેમીયાની તપાસ જરૂરી હોય છે.  ઇન્ડીયન રેડ ક્રોસ સોસાયટી જામનગર શાખા દ્વારા ’ગર્વમેન્ટ ડેન્ટલ કોલેજ ’ના વિધાર્થીઓનું થેલેસેમીયા ચેકઅપ કેમ્પનું આયોજન કરવામાં આવેલ. આ કાર્યક્રમમાં ઇન્ડીયન રેડ ક્રોસ સોસાયટી જામનગર શાખાના  ચેરમેન બીપીનભાઈ ઝવેરી, થેલેસેમીયા  કમીટીના ચેરમેન દિપાબેન સોની, નિરંજનાબેન વિઠલાણી ઉપસ્થિત રહ્યા હતા. ગર્વમેન્ટ ડેન્ટલ કોલેજના ડીન ડો. નયનાબેન પટેલ તથા ડો. સેજલબેન શાહ.   ઉપસ્થિત રહ્યા હતા. આ કેમ્પમાં કુલ ૨૧૫ વિદ્યાર્થીઓએ થેલેસેમીયા ચેક અપ કરાવ્યું હતું.