હાલારના ગામડાઓમાં ઠંડીની અસરથી લોકોએ ગરમ કપડા પહેરવાના શરુ કર્યા: હજુ બે દિવસ વાદળીયું વાતાવરણ રહેશે
જામનગર સહિત સમગ્ર હાલારમાં ગઇકાલ સાંજથી સમગ્ર હાલારમાં ઠંડીનું આંશીક મોજુ ફરીવળ્યું છે, ગઇકાલ સાંજથી ઠંડીનો ચમકારો જોવા મળ્યો હતો, આજે વહેલી સવારે પણ તાપમાન સિઝનમાં પ્રથમ વખત ૧૬ ડીગ્રી નજીક એટલે કે ૧૫.૮ ડીગ્રી થઇ જતાં વાતાવરણમાં ઠંડક પ્રસરી હતી, આગામી દિવસોમાં વધુ ઠંડી પડે તેવી શકયતા છે.
છેલ્લા બે-ત્રણ દિવસથી વાદળીયું વાતાવરણ જોવા મળ્યું છે, જેને કારણે વાદળા પણ બંધાયા હોય ઠંડી પડવાની શકયતા હતી અને ગઇકાલ બપોર બાદ ઠંડો પવન ફુંકાયો હતો, જો કે હજુ બે દિવસ વાદળીયું વાતાવરણ રહેશે અને ગુજરાતમાં કયાંક છુટા-છવાયા ઝાપટા પડે તેવી પણ શકયતા છે ત્યારે હજુ પણ ખેડુત ચિંતીત છે.
શિયાળુ પાકમાં જીરુ, ઘઉં, ચણા, ધાણાનું મવલખ વાવેતર થયું છે, જો માવઠુ થાય તો ખેડુતોને બિયારણના રુપિયા પણ નહીં નિકળે, બીજી તરફ કપાસ પણ તૈયાર થઇ રહ્યો છે ત્યારે જો વરસાદ થાય તો કપાસ પણ પલળી જશે અને ખેડુતોએ જે આશા રાખી છે તે ઠગારી નિવડશે અને માવઠાને કારણે ખેડુતોનું આર્થિક બજેટ પણ ખોરવાઇ જશે, સરકાર ચિંતીત હોવાનો દાવો કરે છે, પરંતુ ખેડુતોને તો આખરે નુકશાની જ સહન કરવી પડે છે. ગુજરાતના કેટલાક વિસ્તારોમાં ફરીથી માવઠાની આગાહી કરવામાં આવી છે ત્યારે તંત્રને પણ એલર્ટ કરાયું છે, માર્કેટીંગ યાર્ડના સંચાલકોને પણ માવઠુ થાય તો પારોઠના પગલા લેવા સુચના આપી દેવામાં આવી છે.
જયારે-જયારે માવઠુ કે અન્ય આફતો આવે ત્યારે સરકાર દ્વારા સર્વે કરીશું તેવી જાહેરાત કરી દેવામાં આવે છે પરંતુ વાસ્તવીકતા કાંઇક અલગ હોય છે, કેટલાક ગામડાઓમાં સર્વે પણ થતો નથી જેને કારણે પુરતી રકમ પણ મળતી નથી. સરકારે આ બાબતે ખ્યાલ રાખવો જોઇએ અને જિલ્લા કલેકટર તથા ડીડીઓએ કોઇ સર્વે વગર રહી ન જાય તેવી સુચનાવી આપવી જોઇએ.
ઠંડીને કારણે તાપમાનમાં વધ-ઘટ થયા કરે છે અને આજે તાપમાન ૧૫.૮ ડીગ્રી છે પરંતુ પવનની ઝડપ સારી છે તેથી સવારથી જ વાતાવરણ ઠંડુગાર બની ગયું છે. કલેકટર કચેરીના ક્ધટ્રોલ રુમના જણાવ્યા મુજબ લઘુતમ તાપમાન ૧૫.૮ ડીગ્રી, મહત્તમ તાપમાન ૨૮ ડીગ્રી રહ્યું હતું, હવામાં ભેજ ૭૨ ટકા અને પવનની ગતિ ૧૫ થી ૨૦ કિ.મી. પ્રતિકલાક રહી હતી.
જામનગરમાં ગઇકાલે સાંજે પણ તેજ ગતિએ પવન ફુંકાયો હતો, એટલું જ નહીં પવનની ગતિ ધીમે-ધીમે ૩૫ કિ.મી. પ્રતિકલાક જોવા મળી હતી, લોકોએ સ્વેટર અને મફલર બહાર કાઢયા હતાં, હાલારના તાલુકા મથકો ખંભાળીયા, દ્વારકા, કલ્યાણપુર, જામજોધપુર, ભાણવડ, લાલપુર, કાલાવડ, ધ્રોલ, જોડીયા, સલાયા, ફલ્લા, ભાટીયા સહિતના ગામોમાં પણ આજ સવારથી ઠંડક જોવા મળી છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationઝિમ્બાબ્વે સામે હાર બાદ એમએસ ધોનીના ક્લબમાં શુભમન ગિલની થઈ એન્ટ્રી
July 07, 2024 12:03 PMધોનીએ સલમાન ખાન સાથે સેલિબ્રેટ કર્યો પોતાનો 43મો બર્થ ડે, જુઓ વિડીયો
July 07, 2024 11:53 AM'ટાઈટેનિક' અને 'અવતાર'ના ઓસ્કાર વિનર મેકરનું 63 વર્ષની વયે નિધન
July 07, 2024 11:22 AMસુરતમાં ઇમારત ધરાશાયી થયાની ઘટનામાં 7ના મોત, આખી રાત ચાલ્યું સર્ચ ઓપરેશન
July 07, 2024 10:58 AMCopyright © 2023-2024 Aajkaal Daily
Developed by Rhythm Infotech