ભારત અને શ્રીલંકા વચ્ચેની પ્રથમ વનડે મેચ ટાઈ રહી હતી. ભારતીય બોલરોએ શ્રીલંકાને 230ના સ્કોર સુધી રોકી દીધું હતું. લક્ષ્યનો પીછો કરવા ઉતરેલી ભારતીય ટીમ 14 બોલમાં 1 રન પણ બનાવી શકી ન હતી. ભારતે બે બોલમાં બે વિકેટ ગુમાવી દીધી હતી. રોમાંચક મેચમાં હસરંગા અને અસલંકાએ ત્રણ-ત્રણ વિકેટ લઈને યજમાન ટીમને મેચમાં જાળવી રાખ્યું હતું.

ભારત અને શ્રીલંકા વચ્ચે રમાયેલી પ્રથમ વનડે મેચ ટાઈ રહી હતી. એક સમયે ભારતને જીતવા માટે માત્ર 1 રનની જરૂર હતી અને તેની બે વિકેટ બાકી હતી. અસલંકાએ બે બોલમાં બે વિકેટ લઈને મેચ ટાઈ કરી હતી. મેચમાં શ્રીલંકા તરફથી વાનિન્દુ હસરંગા અને અસલંકાએ ત્રણ-ત્રણ વિકેટ લીધી હતી. ભારત તરફથી માત્ર રોહિત શર્મા જ મોટી ઇનિંગ્સ રમી શક્યો હતો.

ટોસ જીત્યા બાદ શ્રીલંકાએ પ્રથમ બેટિંગ કરવાનો નિર્ણય કર્યો હતો. ભારતીય બોલરોએ શ્રીલંકાના ટોપ ઓર્ડર બેટ્સમેનોને ક્રિઝ પર ટકવા દીધા ન હતા. અવિષ્કા ફર્નાન્ડો માત્ર 1 રન બનાવીને આઉટ થયો હતો. કુસલ મેન્ડિસ 14 રન બનાવીને શિવમ દુબેનો શિકાર બન્યો હતો. ભારતીય બોલરોએ નવા બોલનો ભરપૂર ફાયદો ઉઠાવ્યો હતો.