ટીમ ઈન્ડિયાના મુખ્ય પસંદગીકાર ચેતન શર્માએ પોતાના પદ પરથી રાજીનામું આપી દીધું છે. હાલમાં જ તે સ્ટિંગ ઓપરેશનના કારણે વિવાદમાં આવ્યો હતો. ચેતને પોતાનું રાજીનામું ભારતીય ક્રિકેટ કંટ્રોલ બોર્ડના સચિવ જય શાહને આપ્યું છે. અહેવાલ મુજબ જય શાહે તેમનું રાજીનામું પણ સ્વીકારી લીધું છે. બીસીસીઆઈમાં ચેતનનો આ બીજો કાર્યકાળ હતો. પરંતુ તેમણે 40 દિવસમાં રાજીનામું આપવું પડ્યું હતું. આ પહેલા ટી-20 વર્લ્ડ કપ બાદ ટીમ ઈન્ડિયાના ખરાબ પ્રદર્શનને કારણે તેને પદ પરથી હટાવી દેવામાં આવ્યો હતો.

હકીકતમાં, તાજેતરમાં જ એક ન્યૂઝ ચેનલે ચેતન શર્મા પર સ્ટિંગ ઓપરેશન કર્યું હતું. જેમાં તેણે અનેક ખુલાસા કર્યા હતા. ચેતને વિરાટ અને હાર્દિક પંડ્યા સાથે જોડાયેલી ઘણી વાતો કહી હતી.