3 મહિના પહેલા પીઠનો દુખાવો શરૂ થયો અને ત્યારે નિદાન થયું

ટીવી એક્ટ્રેસ ડોલીને જ્યારે ખબર પડી કે તેને કેન્સર છે તો તે ધ્રૂજવા લાગી. તેણી સમજી શકતી ન હતી કે તેણીએ ક્યાં ભૂલ કરી. ધીરે ધીરે તેણીએ હિંમત એકઠી કરી અને આ રોગ સામે લડાઈ લડી રહી છે. અત્યારે  ટીવી અભિનેત્રી ડોલી સોહી કેન્સર સામે ઝઝૂમી રહી છે. તે કલશ, કુમકુમ ભાગ્ય અને બાબી જેવી સિરિયલોમાં જોવા મળી હતી.  તેણીને 2 મહિના પહેલા સર્વાઇકલ કેન્સર હોવાનું નિદાન થયું હતું

ટીવી અભિનેત્રી ડોલી સોહી કેન્સર સામે ઝઝૂમી રહી છે. હાલમાં જ સોશિયલ મીડિયા પર તેની એક પોસ્ટે ચાહકોની ચિંતા વધારી દીધી છે. ડોલીએ પોતાનો પ્રેમ આપનારનો આભાર માન્યો અને એ પણ જણાવ્યું કે તે કેન્સરથી પીડિત છે. ડોલી કલશ, કુમકુમ ભાગ્ય અને બાબી જેવી સિરિયલોમાં જોવા મળી છે. તેણીને 2 મહિના પહેલા સર્વાઇકલ કેન્સર હોવાનું નિદાન થયું હતું. ડોલી માટે આ મુશ્કેલ સમય છે પરંતુ તેણે હિંમત હારી નથી. એક મીડિયા હાઉસ સાથેની વાતચીતમાં તેણે તેના લક્ષણો સમજાવ્યા અને વાચકોને પણ જાગૃત કર્યા.

રસી લેવી જોઈએ

ડોલી સોહીએ કહ્યું, 3 મહિના પહેલા મને કમરનો દુખાવો શરૂ થયો હતો જે પેઈન કિલર લીધા પછી પણ દૂર થતો નહોતો. ધીરે ધીરે ડોક્ટરોને ખબર પડી કે તે કેન્સર છે અને તેની સારવાર ચાલી રહી છે. મારી કીમોથેરાપીના 2 રાઉન્ડ પૂર્ણ થયા છે. આગામી ડિસેમ્બરમાં છે, ત્યારબાદ સર્જરી થશે. મને થોડા મહિનામાં સારું લાગવું જોઈએ. મહિલાઓએ નિયમિત ચેકઅપ કરાવવું જોઈએ. ગર્ભાશયના મુખના કેન્સર માટે એક રસી પણ છે, જે યુવાન છોકરીઓ ડૉક્ટરની સલાહ લીધા પછી મેળવી શકે છે. ઘણા લોકો આ વિશે જાણતા નથી અને મને લાગે છે કે આ વિષય પર જાગૃતિ હોવી જોઈએ.