કોડીનારના દામલી ગામના વિદ્યાર્થીઓ અભ્યાસ અર્થે દરરોજ કોડીનાર આવે છે અને આ મુસાફરી તેઓ પગપાળા અથવા તો ખાનગી વાહનોમાં જીવના જોખમે કરી રહ્યા છે. જે બાબતે દામલી ગામના સરપંચ ભરતભાઇ સોલંકી તથા યુવા અગ્રણી પુનાભાઇ સોલંકી દ્વારા ડેપો મેનેજર કોડીનાર તથા વિભાગીય નિયામક અમરેલીને આ શૈક્ષણિક સત્રની શરૂઆતમાં લેખિત જાણ કરી હતી. ડેપો મેનેજર કોડીનારને તો આ બાબતે અનેકવાર રૂબરૂ પણ મળવા ગયા છે છતાંય પણ આ બાબતે ડેપો મેનેજર કોડીનાર દ્વારા કોઇપણ પ્રકારની કામગીરી કરવામાં આવી નથી. આજની તારીખે ડેપો મેનેજર કોડીનાર દ્વારા ન તો સરપંચની મુલાકાત કે સ્થળ તપાસ પણ કરેલ નથી. જીવના જોખમે મુસાફરી કરતા વિદ્યાર્થી બાબતે આ અધિકારનો કુંભકર્ણ નિંદ્રામાંથી કયારે જાગશે એ તો સમય ન બતાવશે.