રાજયના હવામાન ખાતાએ ફરીથી વરસાદનો બીજો રાઉન્ડ આવશે તેવી આગાહી કરી છે, હજુ તો આ આગાહીની અસર થાય એ પહેલા જ આજ સવારથી જ કાનાની કૃષ્ણનગરી દ્વારકામાં ગોમતી ઘાટે દરીયામાં ભારે કરન્ટ આવી ચુકયો છે, ૧૫ થી ૨૦ ફુટ ઉંચા મોજા ઉછળી રહયા છે અને એકા એક જોરદાર કરન્ટ આવવાથી કૃષ્ણભકતોને ગોમતી ઘાટમાં ન્હાવા ન દેવા માટે ચેતવણી આપવામાં આવી છે અને ગોમતી ઘાટે મજબુત પોલીસ બંદોબસ્ત ગોઠવી દેવાયો છે, જો કે એકાએક દરીયામાં કરન્ટ આવવાથી ભારતભરમાંથી આવેલા કૃષ્ણભકતો ગોમતી નદીમાં સ્નાન કરી શકયા ન હતા. જેથી તેઓમાં કચવાટની લાગણી જન્મી હતી, આગામી તા. ૮ અને ૯ બે દિવસ સુધી દરીયો ભારે તોફાની રહેશે, માછીમારોને પણ દરીયામાં ન જવા ચેતવણી આપવામાં આવી છે. દેવભુમી દ્વારકાના જીલ્લા કલેકટરે લોકોને એલર્ટ કર્યા છે આમ એકાએક દરીયામાં ભારે કરન્ટ આવતા લોકોમાં પણ આશ્ર્ચર્ય થયું છે.