વાતાવરણમાં ભેજનું પ્રમાણ એકાએક રાયના અનેક વિસ્તારોમાં વધી ગયું છે અને તેના કારણે આકાશમાં અપર લેવલે ભેજવાળા વાદળો જોવા મળી રહ્યા છે. ગરમી ઘટી ગઈ છે અને વડોદરા નવસારી દ્રારકામાં વાદળોની જમાવટ જોવા મળી રહી છે. હવામાન ખાતાના જણાવ્યા મુજબ આજે ઉત્તર ગુજરાતના અનેક વિસ્તારોમાં સામાન્ય વરસાદની શકયતા છે.

હવામાન ખાતાના જણાવ્યા મુજબ તારીખ ૫ ને શુક્રવારથી દાહોદ છોટા ઉદેપુર ડાંગ તાપી ગીર સોમનાથ નવસારી વલસાડ સહિત રાયના અનેક જિલ્લાઓમાં પ્રતિ કલાકના ૩૦ થી ૩૫ કીલોમીટરની ઝડપે પવન ફંકાશે અને માવઠું થશે. બદલાયેલા વાતાવરણના કારણે રાજકોટ સુરેન્દ્રનગર ગાંધીનગર ડીસા અને અમદાવાદ સિવાય સમગ્ર રાયમાં મહત્તમ તાપમાનનો પારો ૪૦ ડિગ્રી થી નીચે આવી ગયો છે રાજકોટમાં ૪૦.૫ ગાંધીનગરમાં ૪૨ અમદાવાદમાં ૪૧.૮ ડીસામાં ૪૦.૭ સુરેન્દ્રનગરમાં ૪૧.૮ ડિગ્રી મહત્તમ તાપમાન નોંધાયું છે.
રાજકોટમાં આજે સવારે વાતાવરણમાં ભેજનું પ્રમાણ ૬૯% રહ્યું છે. યારે દ્રારકા પોરબંદર ઓખા વેરાવળ જેવા દરિયાકાંઠાના વિસ્તારોમાં ભેજનું પ્રમાણ ૭૦ થી ૭૫% જેટલું રહ્યું છે. દરિયામાંથી ફકાઈ રહેલા ભેજવાળા પવનના કારણે ગરમી ઘટી છે અને લોકોને પ્રમાણમાં થોડી રાહત મળી છે.
ગુજરાતમાં નૈઋત્યના ચોમાસાની એન્ટ્રી થાય તે પહેલા માવઠાનું આગમન થવાનું છે. જો કે નૈઋત્યનું ચોમાસું પણ નિર્ધારિત મુજબ આગળ વધી રહ્યું છે. બંગાળની ખાડી અને અરબી સમુદ્રના મોટાભાગના વિસ્તારને કવર કરી લીધા બાદ હવે ચોમાસું મહારાષ્ટ્ર્ર કર્ણાટક તેલંગાણા આંધ્રપ્રદેશ તરફ આગળ વધી રહ્યું છે અને આ તમામ રાયોમાં ત્રણ દિવસમાં વરસાદની શકયતા જોવામાં આવે છે. ગોવા મરાઠાવાડ અને કોંકણમાં પણ વાતાવરણ બદલાયું છે અને ગમે ત્યારે વરસાદ આવી પડે તેવી શકયતા છે