ભાણવડ પંથકમાં રહેતા એક પરિવારની સગીર પુત્રી આજથી આશરે સાડા ત્રણ વર્ષ પૂર્વે બજારમાંથી ઘરે આવતી હતી, ત્યારે ભાણવડના નવલ ઉદય વાઘેલા નામના શખ્સે મોટરસાયકલ પર આવી અને આ સગીરાની બાજુમાં મોટરસાયકલ રાખી, તેણીનો હાથ પકડી લેતા આ સગીરાએ રાડારાડી કરી મૂકી હતી. જેથી આરોપી નવલ સગીરાનો હાથ મૂકીને નાસી ગયો હતો.
આ બનાવના દસેક દિવસ પછી તારીખ 6 માર્ચ 2021 ના રોજ ઉપરોક્ત સગીરાની મોટી બહેન એક હોસ્પિટલમાં હતી, ત્યારે નવલ ઉદય વાઘેલા તેની પાસે આવ્યો હતો અને ડોક્ટરની પૂછપરછ કરી, ડોક્ટર ના હોવા બાબતે યુવતીને બિભત્સ ગાળો કાઢી બેફામ બકવાસ કરતા અન્ય લોકો વચ્ચે આવતા તે યુવતીને જાનથી મારી નાખવાની ધમકી આપીને ચાલ્યો ગયો હતો.
આટલું જ નહીં, આ પહેલાં પણ આ શખ્સ બિભત્સ ઇશારા કરતો હોવા અંગેની જાણ યુવતીએ તેણીના માતા-પિતાને કરતા આ યુવતીની સગીર બહેન દ્વારા પોતાની સાથે દસ દિવસ પૂર્વે બનેલો બનાવ પરિવારજનોને કહ્યો હતો.
આ સમગ્ર પ્રકરણ અંગે યુવતીની ફરિયાદ પરથી ભાણવડ પોલીસે નવલ ઉદય વાઘેલા સામે આઈપીસી કલમ 354(ડી), 504, 506 (2), 114 તથા પોકસો એક્ટ હેઠળ ગુનો નોંધી, પી.એસ.આઈ. એન.એચ. જોશી દ્વારા આ અંગેની જરૂરી કાર્યવાહી કરી, આરોપીની અટકાયત બાદ કોર્ટમાં ચાર્જશીટ રજૂ કર્યું હતું.
આ અંગેનો કેસ ખંભાળિયાની સ્પેશિયલ પોક્સો કોર્ટમાં ચાલી જતા આ પ્રકરણના 12 સાહેદોની તપાસ તેમજ તપાસનીસ અધિકારીની જુબાની અને સરકારી વકીલ એલ.આર. ચાવડા દ્વારા કરવામાં આવેલી વિવિધ દલીલોને ગ્રાહ્ય રાખી, સ્પેશિયલ પોકસો જજ શ્રી વી.પી. અગ્રવાલએ આરોપીને ત્રણ વર્ષની સખત કેદ તથા રૂપિયા 10,000 નો દંડ ફટકારતો હુકમ કર્યો હતો.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationસ્માર્ટ સિટી રાજકોટ ભરચોમાસે નર્મદા ભરોસે
July 08, 2024 04:02 PMકોટડાસાંગાણીના પડવલા ગામે ઉદ્યોગની ૧૧૫૦ ચો.મી. પેશ કદમીનું ડિમોલિશન
July 08, 2024 03:57 PMરાજકોટ : GMERS દ્વારા તોતિંગ ફી વધારો ખેંચવા માટે NSUI દ્વારા રજૂઆત
July 08, 2024 03:56 PMકોડીનારના યુવાનને શના સીન સપાટા કરવા ભારે પડ્યા
July 08, 2024 03:43 PMCopyright © 2023-2024 Aajkaal Daily
Developed by Rhythm Infotech