માનવ સ્વાસ્થ્ય માટે અત્યતં જોખમી એવો બાયો મેડિકલ વેસ્ટ જેમાં નિડલ, સિરિન્જ, ડ્રેસિંગ કર્યા બાદ ફેંકેલા પાટા, ઓપરેશનમાં ઉપયોગ કરાયા બાદનો વેસ્ટ જેવો ચેપી અને સ્પર્શ કરતાની સાથે જ સંક્રમિત થવાય તેવા બાયો મેડિકલ વેસ્ટનો બે હોસ્પિટલો દ્રારા મહાપાલિકાના ટીપરવાનમાં નિકાલ કરાતો હોવાનું ઝડપાતા બન્ને હોસ્પિટલને .૧૦–૧૦ હજારનો દડં મળી કુલ .૨૦ હજારના હાજર દંડની વસુલાત કરાઇ હતી. જો કે મહાપાલિકા તંત્રએ આ બન્ને હોસ્પિટલના માલિકો કે સંચાલકો એવા તબીબોના નામ જાહેર કર્યા ન હતા તેમજ કચરો ફેંકતા ઝડપાયેલા હોસ્પિટલ સ્ટાફના નામ પણ જાહેર કર્યા ન હતા અને તબીબોના નામની લાજ કાઢી હતી.

વિશેષમાં મહાપાલિકાના અધિકારી સૂત્રોએ વિગતો જાહેર કરતા જણાવ્યું હતું કે રાજનગર ચોકમાં આવેલ પ્રથમ હોસ્પિટલ અને નાનામવા મેઈન રોડ પર આવેલ સમ્યક હોસ્પિટલ દ્રારા ટીપરવાનમાં બાયો મેડિકલ વેસ્ટ નાખવા બદલ રાજકોટ મહાનગરપાલિકાની સોલીડ વેસ્ટ મેનેજમેન્ટ શાખા દ્રારા બંને હોસ્પિટલ પાસેથી .૧૦,૦૦૦નો વહીવટી ચાર્જ વસુલ કરવામાં આવ્યો હતો.તા.૨૭–૦૧–૨૦૨૪ના રોજ રાજનગર ચોકમાં આવેલ પ્રથમ હોસ્પિટલને ટીપરવાનમાં બાયો મેડિકલ વેસ્ટ નાખવા બદલ .૧૦,૦૦૦નો વહીવટી ચાર્જ અને તા.૩૦–૦૧–૨૦૨૪ના રોજ નાનામવા મેઈન રોડ પર આવેલ સમ્યક હોસ્પિટલને ટીપરવાનમાં બાયો મેડિકલ વેસ્ટ નાખવા બદલ .૧૦,૦૦૦નો વહીવટી ચાર્જ વસુલ કરવામાં આવ્યો હતો. ઉપરોકત કામગીરી રાજકોટ મહાનગરપાલિકાની સોલીડ વેસ્ટ મેનેજમેન્ટ શાખાના પર્યાવરણ ઈજનેર નિલેશ પરમારની સુચના અને નાયબ પર્યાવરણ ઈજનેર દિગ્વિજયસિંહ તુવરના માર્ગદર્શન હેઠળ વોર્ડ નં.૮ના સેનીટરી ઇન્સ્પેકટર નિલેશ ડાભી દ્રારા કરવામાં આવી હતી. રાજકોટ મહાનગરપાલિકા દ્રારા શહેરમાં આવેલ તમામ હોસ્પિટલ, દવાખાનાઓ તથા કિલનિક ચલાવતા ડોકટરોને જાણ કરવામાં આવે છે કે તેમનો બાયો મેડિકલ વેસ્ટ ટીપરવાનમાં કે કોઇ પણ અન્ય જગ્યાએ ન ફેકતા બાયોમેડિકલ વેસ્ટના નિકાલ માટે અધિકૃત એજન્સી મારફત જ નિકાલ કરવા અનુરોધ છે.