હાલમાં ટાઇગર 3 મુવી બોક્સ ઓફિસ પર ધૂમ કમાણી કરી રહી છે. ટાઇગર 3નું ચોથા દિવસનું કલેક્શન પણ જોરદાર રહ્યું છે. ટાઇગર 3 દર્શકોને ખૂબ પસંદ પડી રહી છે.

સલમાન ખાનની સ્ટારર સ્પાઇ થ્રિલર ફિલ્મ ટાઇગર 3 બોક્સ ઓફિસ પર શાનદાર પરફોર્મ કરી રહી છે. ફિલ્મ 12 નવેમ્બરના રોજ રિલીઝ થઇ હતી. આ ફિલ્મ દર્શકોને ખૂબ પસંદ પડી રહી છે. બોક્સ ઓફિસ કલેક્શનનો આંકડો જાણીને નવાઇ લાગશે. પહેલાં દિવસની સોલિડ ઓપનિંગ પછી ફિલ્મએ બીજા અને ત્રીજા દિવસે રેકોર્ડ બ્રેક કમાણી કરી લીધી છે. જો કે મુવીએ ચોથા દિવસે પણ બમ્પર કમાણી કરી લીધી છે. 

સૈકનિલ્કના રિપોર્ટ અનુસાર ટાઇગર 3 એ ચોથા દિવસે 22 કરોડની કમાણી કરી લીધી છે. રિપોર્ટ અનુસાર આ કલેક્શન હિન્દી, તેલુગુ અને તમિલ દરેક ભાષાઓને મળીને છે. જ્યારે ફિલ્મએ ત્રીજા દિવસે 40.05 કરોડની કમાણી કરી હતી. જ્યારે ટાઇગર 3 બીજા દિવસે 55.77 કરોડની કમાણી કરી લીધી હતી. જ્યારે ફિલ્મએ પહેલાં દિવસે 44.5 કરોડ સાથે શાનદાર ઓપનિંગ કર્યુ હતુ.

તેલુગુમાં આ ફિલ્મએ 1.15 કરોડ રૂપિયાની કમાણી કરી હતી અને તમિલમાં ફિલ્મનું કલેક્શન 15 લાખ રૂપિયા રહ્યું છે. આ સાથે સલમાનની ફિલ્મે ચાર દિવસમાં કુલ 168 કરોડની કમાણી કરી લીધી છે. આ ફિલ્મએ 150 કરોડનું આંકડો સૌથી જલદી પાર કરવાના લિસ્ટમાં શામેલ થઇ ગઇ છે.

ઉલ્લેખનીય છે કે, રિલીઝ પહેલાં સલમાન ખાને ટાઇગર 3ને લઇને એના ફેન્સને સ્પોઇલર શેર ન કરવાની રિકવેસ્ટ કરી હતી. ભાઇજાને ઇન્સ્ટા પર પોસ્ટ શેર કરતા લખ્યુ હતુ કે..હમે ટાઇગર 3 કો બહુત જૂનુન કે સાથે બનાયા હૈ ઔર જબ આપ ફિલ્મ દેખેંગે તો હમે અપને સ્પોયલર કો બચાને કે લીએ આપ પર ભરોસા કર રહે હૈ. સ્પોઇલર ફિલ્મ દેખને કે લીએ એક્સપીરિયન્સ કો બર્બાદ કર સકતે હૈ. હમે આપ પર ભરોસા હૈ કિ આપ વહીં કરેંગે જો સહી હૈ. હમે ઉમ્મીદ હૈ કિ ટાઇગર 3 હમારી તરફ સે આપકે લિએ સબસે અચ્છા દિવાલી ગિફ્ટ હોગા.