• દબંગ ભાઇજાને ઇંસ્ટા પર પોસ્ટ કરી- ટાઇગર જખ્મી હૈ
• સલમાન-કેટરીનાની ફિલ્મ આ દિવાળીએ રિલીઝ થશે

હાલ ટાઈગર 3નું શૂટિંગ ચાલી રહ્યું છે. સલમાન ખાન આ ફિલ્મની શૂટિંગમાં વ્યસ્ત છે. ટાઈગર 3 સફળ જશે તેવી ચાહકોને અપેક્ષા છે. પરંતુ રિલીઝ પહેલા જ આ ફિલ્મ અંગે ચર્ચા સાંભળવા મળી રહી છે. થોડા સમય પહેલા આ ફિલ્મમાં શાહરુખ ખાનનો પણ કેમિયો છે. જેવી રીતે પઠાનમાં સલમાન ખાનની એન્ટ્રી હતી.

હવે સલમાન ખાનને ઇજા થતાં ફરી ચર્ચાઓ શરૂ થઈ છે. સલમાનને ખભા પર ગંભીર ઇજા થઈ છે. આ ઇજાનો ફોટો સલમાને ઈન્સ્ટાગ્રામ પર શેર કર્યો છે. જેમાં સલમાનને ખભા પર પટ્ટી બાંધી હોવાનું જોવા મળી રહ્યું છે.

તાજેતરમાં જ સલમાન ખાનની કિસી કા ભાઈ કિસી કી જાન ફિલ્મ રિલીઝ થઈ હતી. આ ફિલ્મ બોક્સ ઓફિસ પર કંઈ ખાસ ઉકાળી શકી નથી. જેના બાદ હવે સલમાનને ઇજા થતાં વધુ એક ઝટકો લાગ્યો છે.

હાલ ટાઈગર 3 માટે તડામાર તૈયારીઓ ચાલી રહી છે. ચાલુ વર્ષે આવેલી શાહરુખ ખાનની પઠાણ ફિલ્મનો રેકોર્ડ તોડવા પર સલમાનની નજર હોઈ શકે છે. જોકે, આ ફિલ્મ કેટલી હીટ જશે તેનો નિર્ણય તો દર્શકો કરશે. અત્યારે તો ઇજાના કારણે સલમાન ખાને શૂટિંગમાંથી બ્રેક લીધો છે.

અત્યાર સુધીમાં ટાઈગર ફીલ્મ ફ્રેન્ચાઇઝી હેઠળ બે પાર્ટ્સ રિલીઝ થઈ ચૂક્યા છે. વર્ષ 2017માં આ ફિલ્મનો છેલ્લો ભાગ ટાઈગર ઝિંદા હૈ રિલીઝ થયો હતો. આ ફિલ્મે બોક્સ ઓફિસ પર બમ્પર કમાણી કરી હતી. આંકડા મુજબ 22 ડિસેમ્બર 2017ના દિવસે રિલીઝ થયેલી આ ફિલ્મે વૈશ્વિક સ્તરે 433 કરોડ રૂપિયાની કમાણી કરી હતી. ભારતમાં આ ફિલ્મની કમાણી 124 કરોડ જેટલી રહી હતી. સૌથી વધુ કમાણી કરનાર ફિલ્મોમાં ટાઈગર ઝિંદા હૈ ચોથા ક્રમે છે.

સલમાન ખાનની ટાઈગર 3 માટે ઘણા ચાહકોમાં ઉત્સાહક જોવા મળી રહ્યો છે. આ ફિલ્મ આગામી દિવાળી પર રિલીઝ થઈ શકે છે. અગાઉ આ ફિલ્મ 21 એપ્રિલના રોજ રિલીઝ થવાની હતી. પરંતુ ફિલ્મની રિલીઝ ડેટને આગળ ધપાવી દેવાઈ છે. હવે આ ફિલ્મ ચાલુ વર્ષે દિવાળી પર રિલીઝ થશે.