દિલ્હી કેપિટલ્સ સામે સનરાઇઝર્સ હૈદરાબાદના ઓપનર ટ્રેવિસ હેડ અને અભિષેક શર્માએ પ્રથમ 6 ઓવરમાં એટલે કે પાવરપ્લેમાં રેકોર્ડ 125 રન બનાવ્યા. આઈપીએલના ઈતિહાસમાં પાવરપ્લેમાં આ સૌથી મોટો સ્કોર છે.

સનરાઈઝર્સ હૈદરાબાદના ઓપનર ટ્રેવિસ હેડ અને અભિષેક શર્માએ દિલ્હી કેપિટલ્સ સામે ઈતિહાસ રચ્યો છે. વાસ્તવમાં, બંને ઓપનરોએ પ્રથમ 6 ઓવરમાં એટલે કે પાવરપ્લેમાં રેકોર્ડ 125 રન બનાવ્યા હતા. આઈપીએલના ઈતિહાસમાં પાવરપ્લેમાં આ સૌથી મોટો સ્કોર છે. આ પહેલા આ રેકોર્ડ કોલકાતા નાઈટ રાઈડર્સના નામે હતો. IPL 2017માં કોલકાતા નાઈટ રાઈડર્સે રોયલ ચેલેન્જર્સ બેંગ્લોર સામે પ્રથમ 6 ઓવરમાં 105 રન બનાવ્યા હતા.

અભિષેક શર્મા 12 બોલમાં 46 રન બનાવીને પેવેલિયન પરત ફર્યો હતો. જ્યારે ટ્રેવિસ હેડ 32 બોલમાં 89 રન બનાવી પેવેલિયન પર ફર્યો હતો. અત્યાર સુધી ટ્રેવિસ હેડે પોતાની ઇનિંગમાં 11 ફોર અને 6 સિક્સર ફટકારી છે.

IPL ઇતિહાસમાં પાવરપ્લેમાં સૌથી વધુ રન બનાવનાર ટીમ

સનરાઈઝર્સ હૈદરાબાદ આઈપીએલ ઈતિહાસમાં પાવરપ્લે ઓવરમાં સૌથી વધુ રન બનાવનારી ટીમ બની ગઈ છે. પેટ કમિન્સની ટીમે કોલકાતા નાઈટ રાઈડર્સને પાછળ છોડી દીધું છે. મહત્વનું છે કે ચેન્નાઈ સુપર કિંગ્સ આ યાદીમાં ત્રીજા સ્થાને છે. IPL 2014માં પંજાબ કિંગ્સ સામે ચેન્નાઈ સુપર કિંગ્સે પ્રથમ 6 ઓવરમાં 2 વિકેટે 100 રન બનાવ્યા હતા. આ પછી ફરી ચેન્નાઈ સુપર કિંગ્સ છે. IPL 2015માં ચેન્નાઈ સુપર કિંગ્સે મુંબઈ ઈન્ડિયન્સ સામે પ્રથમ 6 ઓવરમાં 90 રન બનાવ્યા હતા. જ્યારે IPL 2024માં કોલકાતા નાઈટ રાઈડર્સે દિલ્હી કેપિટલ્સ સામે પ્રથમ 6 ઓવરમાં 1 વિકેટે 88 રન બનાવ્યા હતા.

જો આ મેચની વાત કરીએ તો, સમાચાર લખવાના સમય સુધી, સનરાઇઝર્સ હૈદરાબાદનો સ્કોર 15.2 ઓવર પછી 4 વિકેટે 206 રન છે. અભિષેક શર્મા બાદ એડન માર્કરામ 1 રન બનાવીને વોકઆઉટ થયો હતો. જ્યારે ટ્રેવિસ હેડે 32 બોલમાં 89 રનની શાનદાર ઇનિંગ રમી હતી. આ બેટ્સમેને પોતાની ઇનિંગમાં 11 ફોર અને 6 સિક્સર ફટકારી હતી. અત્યાર સુધી કુલદીપ યાદવે દિલ્હી કેપિટલ્સ માટે ત્રણેય સફળતા મેળવી છે.