પોરબંદરમાં ફાયર સર્વિસ ડે નિમિત્તે ફાયર બ્રિગેડ દ્વારા રોડ શોનું આયોજન કરવામાં આવ્યું હતું.૧૪ એપ્રિલ ૧૯૪૪ મુંબઈ વિક્ટોરિયા ડોકયાર્ડ પર કાર્ગો જહાજમાં લાગેલી આગને કાબુમાં લેવા જતા ૬૬ ફાયર જવાનો શહીદ થયા હતા. તેમના બલિદાનના સન્માનમાં ૧૪ એપ્રિલના દિવસને રાષ્ટ્રીય અગ્નિશમન સેવા દિવસ તરીકે યાદ કરીને આ નિમિત્તે શ્રદ્ધાંજલિ કરવાનું આયોજન થયું હતું આ દિવસે પોરબંદરના ડીવીઝનલ ફાયર સ્ટેશન ખાતે શહીદોને યાદ કરી શ્રદ્ધાંજલિ અર્પિત કર્યા બાદ ફાયર વાહનોના રોડ શો નું આયોજન કરવામાં આવ્યું હતું જેમાં શહેરના રાજમાર્ગો ઉપરથી ફાયરના અત્યાધુનિક વાહનો પસાર થયા હતા, જેને નિહાળીને શહેરીજનો એ ફાયર જવાનોની કામગીરીને બિરદાવી હતી.