દ્વારકાથી આશરે ૧૨ કિલોમીટર દૂર ઓખા તરફ જતા માર્ગે પુર ઝડપે અને બેફિકરાઈપૂર્વક આવી રહેલા એક અજાણ્યા ટ્રકના ચાલકે આ માર્ગ પર જી.જે. ૨૩ વાય ૦૩૫૬ નંબરના રિક્ષામાં જઈ રહેલા મોસીનભાઈ અજીતભાઈ બાલાગમિયા નામના યુવાનના રીક્ષા સાથે ધડાકાભેર અકસ્માત સર્જતા મોસીનને શરીરના જુદા જુદા ભાગોમાં ગંભીર ઇજાઓ સાથે હોસ્પિટલમાં ખસેડવામાં આવ્યો હતો. આ બનાવ અંગે અજીતભાઈ જુસબભાઈ બાલાગમિયા (ઉ.વ. ૪૫, રહે. દ્વારકા) ની ફરિયાદ પરથી દ્વારકા પોલીસે અકસ્માત સર્જીને નાસી છૂટેલા અજાણ્યા ટ્રકના ચાલક સામે જુદી જુદી કલમ હેઠળ ગુનો નોંધી, આગળની તપાસ હાથ ધરી છે.