રાજકોટ શહેર મહિલા પોલીસ દ્રારા રાજય પોલીસદળની ડીજીપી કપ બાસ્કેટ બોલ સ્પર્ધામાં ભાગ લઇને ચેમ્પિયનશિપ હાંસલ કરાઇ છે. ભાવનગર ખાતે રમાયેલી તા.૧૪થી ૧૬ સુધી ત્રણ દિવસની આ ટૂર્નામેન્ટમાં રાજકોટ મહિલા પોલીસની ટીમે વડોદરા રેન્જ અને સુરતની ટીમને પરાજીત કરી હતી. ત્રણ દિવસ બાદ આ ટૂર્નામેન્ટ પૂર્ણ થતાં ચેમ્પિયનશિપનો ખીતાબ રાજકોટ મહિલા પોલીસે મેળવ્યો હતો. આ ટૂર્નામેન્ટમાં રાજકોટ મહિલા પોલીસ ટીમ વતી કૃપાબેન દિનેશભાઇ, જયાબેન રાજેશભાઇ, સોનલબેન ગણેશપરી, બંસીબેન રમેશભાઇ, શીલ્પાબેન વાલજીભાઇ, ભાગ્યલમીબા નરવિરસિંહ, ભાવનાબેન પોપટભાઇ, જયનાબેન ખીમાભાઇ, ધૃતિબેન દિનેશભાઇ, હેતલબેન નારણભાઇએ ભાગ લીધો હતો. ટૂર્નામેન્ટમાં પ્લેયર ઓફ ધ ટૂર્નામેન્ટ તરીકે રાજકોટ સીટી પોલીસના કૃપાબેન જાહેર થયા હતાં. વિજેતા મહિલા પોલીસ ટીમને ઇન્ચાર્જ પો.કમિશનર મહેન્દ્ર બગડિયા, ડીસીપી ક્રાઇમ ડો.પાર્થરાજસિંહ ગોહિલ, ડીસીપી ટ્રાફીક પૂજા યાદવ, એસીપી હેડકવાર્ટર એમઆઇ પઠાણ, આરપીઆઇ એસ.બી.ઝાલાએ અભિનંદન આપી સન્માન કયુ હતું