રાજકોટમાં શહેરમાં વહેલી સવારથી વાતાવરણમાં પલટો આવ્યો છે. વાદળછાયા વાતાવરણ વચ્ચે અનેક વિસ્તારોમાં ધીમીધારે વરસાદ વરસી રહ્યો છે. વરસાદને લઈને વાતાવરણમાં ઠંડક પ્રસરી ગઈ છે. 

ગુજરાતમાં ફરી ચોમાસુ સક્રિય થયું છે. ગઈકાલથી રાજ્યમાં વરસાદી માહોલ સર્જાયો છે. ત્યારે રાજકોટમાં ગઇકાલે પણ અનેક વિસ્તારોમાં વરસાદી ઝાપટા પડ્યા બાદ સતત બીજા દિવસે વહેલી સવારથી વાતાવરણમાં પલટો આવ્યો છે. સવારથી આકાશમાં વાદળો છવાયા છે અને વરસાદી માહોલ જોવા મળી રહ્યો છે. શહેરના કેટલાક વિસ્તારોમાં ધીમીધારે તો કેટલાક વિસ્તારોમાં મધ્યમ વરસાદ ખાબક્યો છે. શહેરના નાના મવા, યાજ્ઞિક રોડ, કુવાડવા રોડ, મોરબી રોડ, પેડક રોડ, ગુંદાવાડી, કાલાવડ રોડ સહિતના અનેક વિસ્તારોમાં વરસાદી ઝાપટા પડયા છે. વરસાદને લઈને વાતાવરણમાં ઠંડક પ્રસરી જતાં લોકોને ગરમીમાંથી રાહત મળી છે. તેમજ વરસાદને લઈને રસ્તાઓ પાણીપાણી થઈ ગયા છે.