​​​​​​​રેલ્વે ટૂંક સમયમાં તેના મુસાફરોને મોટી ભેટ આપવા જઈ રહી છે. મંત્રાલયે 2024-25 અને 2025-26માં તેના નેટવર્ક પર સામાન્ય માણસની વધતી જતી માંગને પહોંચી વળવા અને મુસાફરોની સુવિધા વધારવા માટે 10,000 વધુ નોન-એસી કોચ બનાવવાની યોજના બનાવી છે.

5 હજારથી વધુ કોચ થશે સામેલ

ઉત્પાદન વધારવા માટે મંત્રાલયની યોજના જાહેર કરતાં એક વરિષ્ઠ અધિકારીએ જણાવ્યું હતું કે ચાલુ નાણાકીય વર્ષ 2024-25માં 4,485 નોન-એસી કોચ અને 2025-26માં 5,444 વધુ કોચ રજૂ કરવામાં આવશે. વધુમાં રેલવે તેના રોલિંગ સ્ટોકની ક્ષમતામાં નોંધપાત્ર વધારો કરવા માટે 5,300 થી વધુ જનરલ કોચ દાખલ કરવાની યોજના ધરાવે છે.

આ મહત્વાકાંક્ષી યોજના વિશે વાત કરતા ભારતીય રેલવેના એક વરિષ્ઠ અધિકારીએ જણાવ્યું હતું કે વર્તમાન નાણાકીય વર્ષમાં, ભારતીય રેલવે 2,605 સામાન્ય કોચ બનાવવાની તૈયારી કરી રહી છે. જેમાં મુસાફરોની સુવિધાઓ વધારવા માટે રચાયેલ વિશેષ અમૃત ભારત જનરલ કોચનો પણ સમાવેશ થાય છે. નોન-એસી સ્લીપર કોચ અને 323 SLR (સીટિંગ-કમ-લગેજ રેક) કોચ, જેમાં અમૃત ભારત કોચ, 32 ઉચ્ચ-ક્ષમતાવાળી પાર્સલ વાન અને 55 પેન્ટ્રી કારનો સમાવેશ થાય છે.

ભારતીય રેલ્વે 2,710 જનરલ કોચ વધારવાનું લક્ષ્ય રાખે છે. જેમાં તેમની અદ્યતન સુવિધાઓ માટે જાણીતા અમૃત ભારત જનરલ કોચનો સમાવેશ કરવાનું ચાલુ રાખે છે. આ સમયગાળા માટેના ઉત્પાદન લક્ષ્યમાં અમૃત ભારત જનરલ કોચ સહિત 1,910 નોન-એસી સ્લીપર કોચ અને અમૃત ભારત સ્લીપર કોચ સહિત 514 SLR કોચનો પણ સમાવેશ થાય છે.