પોરબંદર જિલ્લામાં કિશોરીઓને પુર્ણાશક્તિનું કરાયું વિતરણ

  • September 05, 2024 03:00 PM 
Aajkaal Daily (Desh Pardesh Ni Aajkaal)


પોરબંદર જીલ્લામાં કિશોરીઓને પુર્ણાશક્તિનું વિતરણ કરવામાં આવ્યુ હતુ.
પોરબંદર જિલ્લામાં ૧પ થી ૧૮ વર્ષની કિશોરીઓમાં કુપોષણ ઘટાડવા આંગણવાડીઓમાં ૧૩૨૧ કિશોરીઓને પુર્ણાશક્તિનું વિતરણ કરવામાં આવ્યું છે.વડાપ્રધાન નરેન્દ્રભાઈ મોદી દ્વારા સમગ્ર દેશમાં પોષણ અભિયાનનો શુભારંભ થયો હતો.આ કડીના ભાગરૂપે સપ્ટેમ્બર માસ-૨૦૨૪માં ૭ માં પોષણ માસની ઉજવણી થઈ રહી છે. રાજયમાં ગાંધીનગરથી મુખ્યમંત્રી ભુપેન્દ્રભાઈ પટેલે પોષણ માસની ઉજવણીનો શુભારંભ કરાવ્યો હતો.
પોરબંદર જિલ્લા વિકાસ અધિકારી કે.બી. ઠક્કરએ જિલ્લામાં ૧ થી ૩૦ તારીખ દરમિયાન પોષણ માસની ઉજવણી અંતર્ગત શુભારંભ કરાવ્યો છે.ત્યારે પોરબંદર જિલ્લામાં પુર્ણા યોજના અન્વયે ૧૫ થી ૧૮ વર્ષની કિશોરીઓમાં કુપોષણ ઘટાડવા આંગણવાડીઓમાં શાળાએ જતી અને શાળાએ ન જતી કિશોરીઓને પુર્ણાશક્તિનું વિતરણ કરાયું છે. જિલ્લામાં ૧૩૨૧ કિશોરીઓને લાભ આપવામાં આવ્યો છે.એનિમિયા, ગ્રોથ મોનિટરીંગ,પુરક આહાર, પોષણ ભી પઢાઈ ભી સહિતના વિષયોને આવરી લઈ સર્વગ્રાહી પોષણ થીમ પર જાગૃતિના કાર્યક્રમો યોજવામાં આવી રહ્યા છે.કિશોરીઓની આરોગ્ય તપાસ અને આઈ.એફ.એ. ગોળીઓ આપવામાં આવે છે.આરોગ્ય વિભાગના સહકારથી આંગણવાડી કેન્દ્ર પર માસના પ્રથમ બુધવારે મમતા દિને સગર્ભા, ધાત્રી તથા કિશોરીઓની શારીરિક તપાસ, બી.એમ.આઈ. અને એચ.બી. ટેસ્ટ કરાય છે.કેન્દ્ર પર કિશોરીઓને આઈ.એફ.એ. ગોળીઓનું વિતરણ કરાય છે.બાળાઓ, કિશોરીઓમાં પોષણનું પ્રમાણ વધારવા રાજય સરકારે શ‚ કરેલ પોષણ માસ અભિયાનમાં કિશોરીઓ જોડાઈ રહી છે.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application