સાતમ આઠમના તહેવારમાં શ્રાવણીયો જુગાર રમવાના વણ લખ્યા નિયમ મુજબ જન્માષ્ટ્રમીનો તહેવાર આવતા જ ઠેક ઠેકાણે જુગાર રમાવવાનું શ થઈ જાય છે. ત્યારે પોલીસે જુગારના ત્રણ દરોડામાં કાલાવડ રોડ પર બુલ્સ કાફે, મોરબી રોડ પર લાકડાના ડેલામાં તેમજ અંબિકા ટાઉનશીપ પાસે લેટમાં ચાલી રહેલા જુગારધામ પર દરોડો પાડી ૧૯ પત્તાપ્રેમીઓને ઝડપી લીધા હતા.
જુગારના આ દરોડાઓની જાણવા મળતી વિગતો મુજબ, બી ડિવિઝન પોલીસ મથકના પીઆઇ એસ.એમ.જાડેજાની રાહબરી હેઠળ પીએસઆઇ કે.ડી.મા તથા તેમની ટીમ જેમાં હેડ કોન્સ્ટેબલ રાજેશભાઈ બાળા, મોહસીનખાન મલેક, કોન્સ્ટેબલ વિશ્વજીતસિંહ ઝાલા, કૃપાલસિંહ જાડેજા, જગદીશભાઈ વાંક,ભાનુશંકરભાઈ સહિતનો સ્ટાફ પેટ્રોલિંગમાં હતો દરમિયાન મળેલી બાતમીના આધારે મોરબી રોડ પર લાલપરી મફતિયાપરા પાસે ધરતી ટિમ્બર નામના લાકડાના ડેલામાં દરોડો પાડી અહીં જુગાર રમતા સાત શખસોને ઝડપી લીધા હતા. જેમાં આ ડેલો ભાડે રાખનાર મગન વેલજીભાઈ પાનસુરીયા ઉપરાંત નિલેશ રાઘવભાઈ પાનસુરીયા, અશ્વિન મકનભાઈ નાથાણી, અંકુર કનુભાઈ અકબરી, ધૃવિલ ગેલાભાઈ નાથાણી,દીક્ષિત શૈલેષભાઈ રામાણી, સંદીપ જીવણભાઈ બળેલીયાનો સમાવેશ થાય છે. પોલીસે પટમાંથી રોકડ પિયા ૫૨,૭૦૦ કબજે કર્યા હતા.
જુગારના અન્ય દરોડામાં યુનિવર્સિટી પોલીસ મથકના સ્ટાફે કાલાવડ રોડ પર મટુકી રેસ્ટોરન્ટ પાસે બુલ્સ કાફેમાં દરોડો પાડી અહીં જુગાર રમતા બુલ્સ કાફેના સંચાલક રામ લાખાભાઈ ખુટી (રહે. ગુજરાત હાઉસિંગ કોલોની, સોમનાથ સોસાયટી,મૂળ પોરબંદર) સહિત છ શખસોને ઝડપી લીધા હતા. જેમાં રામ કિશોરભાઈ અજાણી, અંકિત રતનસિંહ કાનાણી, વિશાલ પ્રવીણભાઈ પઢીયાર, હાર્દિક હસમુખભાઈ સીણોજીયા અને મોહમ્મદફૈઝ ઇરફાન અહેમદ પીરઝાદાનો સમાવેશ થાય છે. પોલીસે પટમાંથી રોકડ પિયા ૧૬,૫૦૦ કબજે કર્યા હતા. આ કામગીરીમાં યુનિવર્સિટી પોલીસ મથકના પીઆઇ એમ.જે. વસાવાની રાહબરી હેઠળ પીએસઆઇ બી.આર. ભરવાડ તથા તેમની ટીમ સાથે રહી હતી.
જુગારના અન્ય એક દરોડામાં ક્રાઈમ બ્રાન્ચ પીઆઈ એમ.આર. ગોંડલીયાની રાહબરી હેઠળ પીએસઆઇ એમ.જે.હત્પણ તથા તેમની ટીમ અંબિકા ટાઉનશીપમાં આવેલી દર્શન વાટીકા સોસાયટીમાં લેટ નંબર ૧૦૩ માં રહેતા પ્રશાંત ભરતભાઈ સોલંકીના લેટમાં દરોડો પાડી અહીં જુગાર રમતા પાંચ શખસોને ઝડપી લીધા હતા. જેમાં પ્રશાંત સોલંકી ઉપરાંત રાકેશ રણછોડભાઈ સાવલિયા, દિપક દિનેશભાઈ કાજીયા, જય નિલેશભાઈ ભાલાણી તથા વિશાલ ચંદુભાઈ વડાલીયાનો સમાવેશ થાય છે.પોલીસે પટમાંથી રોકડ પિયા ૬૪,૩૫૦ કબજે કર્યા હતા