ગાંધીનગર એસીબીએ પાલનપુરના મહિલા ડેપ્યુટી કલેક્ટર અંકીતા ઓઝાને 3 લાખની લાંચ લેતા રંગેહાથ ઝડપી લીધા છે. એસીબીએ પાલનપુરની સ્ટેમ્પ ડ્યુટી મુલ્યાંકન તંત્રની કચેરી ખાતે છટકું ગોઠવ્યું હતું.

શું કામ લાંચની માગણી કરી
આ કામે હકિકત એવી છે કે, ફરિયાદીના મિત્રના બે પ્લોટમાં સ્ટેમ્પ ડ્યુટી ભર્યા વગર બાંધકામ કરી મકાન બનાવવામાં આવેલ. જેથી બાંધકામની સ્ટેમ્પ ડ્યુટી ઘટાડી તેમજ ઘટાડેલ સ્ટેમ્પ ડ્યુટીનુ ચલણ ઝડપથી આપવા સારૂ એક મકાનના રૂ.૧,૫૦,૦૦૦ લેખે બે મકાનના રૂ.૩,૦૦,૦૦૦ લાંચની માંગણી અંકીતા ઓઝાના કહેવાથી 
પ્લાનિંગ આસિસ્ટન્ટ ઇમરાનખાન નાગોરીએ કરી હતી. જે લાંચના નાણાં ફરીયાદી આરોપીને આપવા માંગતા ન હોય, એસીબીનો સંપર્ક કરતાં આજરોજ ફરિયાદીની ફરિયાદના આધારે લાંચના છટકાનું આયોજન કરતાં છટકા દરમિયાન ઇમરાનખાને ફરીયાદી સાથે હેતુલક્ષી વાતચીત કરી, લાંચના નાણાં સ્વિકારી તે નાણાં અંકીતા ઓઝાને તેમના ચેમ્બરમાં આપી, બંનેએ એકબીજાને મદદગારી કરી હતી. સ્થળ ઉપર પકડાઇ જઇ પોતાના રાજ્ય સેવક તરીકેના હોદ્દાનો દૂર ઉપયોગ કરી, ગુનાહિત ગેરવર્તણુક કરી ગુનો કરી પકડાય ગયેલ છે.