ખંભાળિયામાં પીધેલી હાલતમાં કારચાલક ઝડપાયો

ખંભાળિયામાં શિરેશ્વર મહાદેવના મંદિર પાસે બેસીને ગત રાત્રે પોણા નવ વાગ્યાના સમયે ગુજરાત ટાઇટન અને પંજાબ કિંગ્સ વચ્ચે રમાતી ક્રિકેટ મેચને મોબાઈલ ફોનમાં ઓનલાઇન નિહાળી, અને હારજીતનો સટ્ટો ખેલતા દેવદાસ ધીરુભાઈ લુણા (ઉ.વ. 27) ને પોલીસે રૂ. 5,800 ના મુદ્દામાલ સાથે ઝડપી લીધો હતો.

અન્ય એક કાર્યવાહીમાં અહીંની વાંઝા દરજીની વાડીની બાજુમાં એક મંદિર પાસે રહેતા રિશિત અરૂણભાઈ ગોકાણીએ તેમની દુકાનના અજવાળે ગુજરાત અને પંજાબ વચ્ચેના મેચ પર હારજીતનો ઓનલાઈન સટ્ટો લગાવી, જુગાર રમતા પોલીસે રૂ. 5,600 ના મુદ્દામાલ સાથે ઝડપી લઇ, અને જુગારધારાની કલમ હેઠળ ગુનો નોંધ્યો હતો.

ખંભાળિયાના ટેલીફોન એક્સચેન્જ પાસેથી પોલીસે ભોગાત ગામના સવા પરબત લુણા (ઉ.વ. 30) ને કેફી પીણું પીધેલી હાલતમાં રૂપિયા 80,000 ની કિંમતની ઈક્કો મોટરકાર ચલાવતા ઝડપી લઇ, જુદી જુદી કલમ હેઠળ ગુનો નોંધ્યો હતો.