લોકસભા ચૂંટણીના પરિણામો બાદ દિલ્હીમાં રાજકીય ગતિવિધિઓ જોરશોરથી ચાલી રહી છે. આ દરમિયાન ભાજપના નેતૃત્વ હેઠળના NDA ના નેતાઓએ બુધવારે અહીં સરકારની રચના અંગે ચર્ચા કરી હતી.

ભાજપની આગેવાની હેઠળના નેશનલ ડેમોક્રેટિક એલાયન્સ (NDA)ના નેતાઓએ બુધવારે અહીં સરકારની રચના અંગે ચર્ચા કરી હતી. પીએમ મોદીના નેતૃત્વમાં આ બેઠકમાં ટીડીપી પ્રમુખ એન ચંદ્રબાબુ નાયડુ, જેડીયુ નેતા અને બિહારના મુખ્યમંત્રી નીતિશ કુમાર, શિવસેનાના નેતા અને મહારાષ્ટ્રના સીએમ એકનાથ શિંદે અને એલજેપી (રામ વિલાસ)ના નેતા ચિરાગ પાસવાન પણ હાજર હતા. આ બેઠકમાં ભાજપના અનેક વરિષ્ઠ નેતાઓ પણ હાજર રહ્યા હતા.

પીએમ મોદીના નેતૃત્વમાં યોજાઈ બેઠક

પીએમ મોદીના નેતૃત્વમાં આ બેઠકમાં ટીડીપી પ્રમુખ એન ચંદ્રબાબુ નાયડુ, જેડીયુ નેતા અને બિહારના મુખ્યમંત્રી નીતિશ કુમાર, શિવસેનાના નેતા અને મહારાષ્ટ્રના સીએમ એકનાથ શિંદે અને એલજેપી (રામ વિલાસ)ના નેતા ચિરાગ પાસવાન પણ હાજર હતા. આ બેઠકમાં ભાજપના અનેક વરિષ્ઠ નેતાઓ પણ હાજર રહ્યા હતા.

કિંગ મેકર બની આ પાર્ટી

ચૂંટણી પંચ દ્વારા જાહેર કરવામાં આવેલા આંકડા અનુસાર ટીડીપી, જેડીયુ, શિંદેના નેતૃત્વવાળી શિવસેના અને એલજેપી (રામ વિલાસ)એ અનુક્રમે 16, 12, સાત અને પાંચ બેઠકો જીતી છે. આ સાથે જ સરકાર બન્યા બાદ આ પક્ષો મહત્વની ભૂમિકા ભજવશે. તમને જણાવી દઈએ કે આ બેઠક લોકસભા ચૂંટણીમાં સત્તારૂઢ ગઠબંધનને બહુમત મળ્યાના એક દિવસ બાદ થઈ હતી. લોકસભાના આ પરિણામથી વડાપ્રધાન નરેન્દ્ર મોદી માટે ત્રીજા કાર્યકાળનો માર્ગ મોકળો થયો છે.

પીએમ મોદીના નેતૃત્વમાં એનડીએ બનશે સરકાર

સમાચાર એજન્સી પીટીઆઈના જણાવ્યા અનુસાર એનડીએના નેતાઓ ઔપચારિક રીતે મોદીના નેતૃત્વમાં તેમનો વિશ્વાસ વ્યક્ત કરે તેવી અપેક્ષા છે અને ગઠબંધનના ઘટક પક્ષોના સાંસદો તેમને તેમના નેતા તરીકે ચૂંટવા માટે થોડા દિવસોમાં બેઠક કરી શકે છે.