તળાજા તાલુકાના બોરડા સહિતના પંથકમાં આજે શુક્રવારે વહેલી સવારે પીજીવીસીએલનો કાફલો ચેકીંગ અર્થે ત્રાટક્યો હતો.  વીજીલંસ સી, ઈ ,ટીમ  અધિકારીઓ પોલીસ સાથે  તેેરથી  વધુ ગાડીઓ તેમજ પોલીસ બંદોબસ્ત સાથેના કાફલા સાથે ટીમ ત્રાટકી હતી. આ અંગે મળતી માહિતી મુજબ દાહોદ,જામનગર, વડોદરા સહિત જીલ્લાની ગાડીઓ સાથે ટીમ ત્રાટકી  હતી.ત્યાર બાદ બોરડા ગોપનાથ રોડ  તરફ  ગાડીઓનો કાફલો રવાના થયો હતો.  વીજ ચેકીંગને લઈ બોરડા એસ.ટી બસ સ્ટેન્ડ નજીક ટોળા ઉમટ્યા હતા.ચેકીંગ કામગીરી ચાલુ હોવાથી વિગતો હજી બહાર આવી નથી.વિજ ચેકીંગ કામગીરીના કારણે વીજચોરોમાં ફફડાટ ફેલાયો છે.