રાજકોટમાં કોઠારીયા રોડ પર રહેતા અને ઓનલાઈન ટ્રેડિંગનું કામ કરનાર યુવાનને અજાણ્યા વ્યકિતએ ફેસબુકમાં લિંક મોકલી બાદમાં મેસેજ કરી પોતે અમેરિકા સ્થિત એનવાયસીબી બેંકમાં ઓફિસર હોવાનું જણાવી અહીં એક ભારતીય બિઝનેસમેનના એકાઉન્ટમાં તેના ૭૮.૭૫ લાખની રકમ પડી છે જેનું કોઈ વારસ નથી તમે તેના વારસ બની જાવ તેના ડોકયુમેન્ટ હત્પં તૈયાર કરી આપીશ બાદમાં જે પૈસા આવે તેની ભાગબટાઈ કરી લઈશું. જેથી યુવાને લાલચમાં આવી આ શખસના કહ્યા મુજબ અહીંથી આ પ્રોસેસ કરવા માટે તેણે કહ્યા મુજબ ફુલ ૧૬.૧૫ લાખની રકમ ટ્રાન્સફર કરી હતી બાદમાં પોતાની સાથે છેતરપિંડી થઈ હોવાનું માલુમ પડતાં સાયબર ક્રાઇમ પોલીસ સ્ટેશનમાં ફરિયાદ નોંધાવી છે.

કોઠારીયા રોડ પર સુભાષ નગરમાં આવેલા મોરારીનગર શેરી નંબર પાંચમાં રહેતા નિલેશ વલ્લભભાઈ પાધરા(ઉ.વ ૪૦) દ્રારા સાયબર ક્રાઇમ પોલીસ સ્ટેશનમાં નોંધાવવામાં આવેલી ફરિયાદમાં જણાવ્યું હતું કે, તે કોઠારીયા મેઇન રોડ પર પ્રમુખ એન્ટરપ્રાઇઝ નામની પેઢી ચલાવી ઓનલાઈન ટ્રેડિંગનું કામ કરે છે. ગત તારીખ ૨૪૭૨૦૨૩ ના નતાશા મિત્રાના ફેસબુક પ્રોફાઈલ લિંકમાંથી તેને મેસેજ આવ્યો હતો. બાદમાં બંને વચ્ચે વાતચીત થઈ હતી જેમાં સામેવાળી વ્યકિતએ જણાવ્યું હતું કે, તે અમેરિકા સ્થિત એનવાયસીબી બેન્કમાં ચીફ એડમીન ઓફિસર છે. તેણે બેંકનું ઓળખકાર્ડ તથા તેના સર્ટિફિકેટનું ઇમેલ કર્યેા હતો.

બાદમાં આ શખસે યુવાનને જણાવ્યું હતું કે, ભારતના એક બિઝનેસમેન છે જે મૃત્યુ પામ્યા છે તેના નામની ૭૫ લાખ ડોલરની એફડી કરી હતી અને તેમની વ્યાજ સહિતની કુલ ૭૮.૭૫ લાખ ડોલરની રકમ એકાઉન્ટમાં જમા છે અને તેના કોઈ વાલીવારસ નથી તમે તેના વારસદાર બની જાવ અને તે બાબતના તમામ સર્ટિફિકેટ હત્પં તમને અહીંથી રજૂ કરીશ. આ સોદામાં જે રકમ મળશે તેમાંથી ૬૦ ટકા રકમ મારી અને બાકીની ૪૦ ટકા તમને આપીશ તેવી લાલચ આપી હતી. બાદમાં મેઇલ કરી એનવાયસી બેન્કનું યુવાનના નામનું વારસદાર તરીકેનું સર્ટિ.મોકલ્યું હતું અને ત્યારબાદ બેંકમાંથી મેઇલ આવવાના શ થઈ ગયા હતા.

ત્યારબાદ આ શખસે કહ્યું હતું કે, બિઝનેસમેન મૃત્યુ પામ્યા હોય તેનું બેન્ક ખાતું બધં થઈ ગયું છે જે ખાતું ચાલુ કરવા માટે તેમજ આ બાબતે નોટોરાઈસ કરવા માટે વકીલ રાખવો પડશે તેથી તમારે પિયા ભરવા પડશે આમ કહી યુવાન પાસેથી અલગ–અલગ સમયે કટકે કટકે કરી કુલ પિયા ૧૬,૧૫,૮૨૦ ઓનલાઈન ટ્રાન્સફર કરાવી લીધા હતા.

બાદમાં હજુ વધુ ડોકયુમેન્ટ તૈયાર કરવા માટે વધુ રૂપિયા ૨૦ લાખની માંગણી કરતા યુવાનને શંકા ગઈ હતી અને પોતાની સાથે ઓનલાઇન ફ્રોડ થયું હોવાનું માલુમ પડતાં તેણે સાઇબર ક્રાઇમ હેલ્પલાઇનમાં જાણ કર્યા બાદ આ અંગે પોતાની સાથે થયેલી ૧૬.૧૫ લાખની છેતરપિંડી અંગે રાજકોટ સાઇબર ક્રાઈમ પોલીસ સ્ટેશનમાં આ ફરિયાદ નોંધાવી છે