વર્ષ ૨૦૨૫ શ થવાને ઘડીઓ ગણાઈ રહી છે. થોડા કલાકોમાં વર્ષ ૨૦૨૪ ઈતિહાસમાં નોંધાઈ જશે. આ વર્ષે સમગ્ર વિશ્વની વસ્તીમાં ૭.૧ કરોડ લોકોનો વધારો થયો છે, યારે નવા વર્ષમાં દુનિયાની વસ્તી કયાં પહોચશે એના અંદાજના આંકડા ચોંકાવનારા છે. યુએસ સેન્સસ બ્યુરોના રિપોર્ટ અનુસાર, વર્ષ ૨૦૨૫માં પ્રતિ સેકન્ડે ૪.૨ જન્મ અને ૨.૦ મૃત્યુ થવાનો અંદાજ છે. રિપોર્ટ અનુસાર, પ્રથમ દિવસે વિશ્વની વસ્તી લગભગ ૮.૦૯ અબજ હશે. જયારે ૦.૯% ના વધારા સાથે ભારતની વસ્તી ૧૪૬ કરોડ થવાની સંભાવના વ્યકત કરાઈ છે.
યુએસ સેન્સસ બ્યુરોના રિપોર્ટ અનુસાર વર્ષ ૨૦૨૪માં વસ્તી વૃદ્ધિ ૨૦૨૩ની સરખામણીમાં ઓછી રહેશે. વર્ષ ૨૦૨૩માં વિશ્વની વસ્તીમાં ૭.૫ કરોડનો વધારો નોંધાયો હતો.
અમેરિકાની વાત કરીએ તો રિપોર્ટમાં કહેવામાં આવ્યું છે કે આ વર્ષે ૨૬ લાખની વસ્તીમાં વધારો થયો છે. જાન્યુઆરી ૨૦૨૫ દરમિયાન અમેરિકામાં દર નવ સેકન્ડે એક વ્યકિતનો જન્મ થવાની ધારણા છે અને દર ૯.૪ સેકન્ડે એક વ્યકિતનું મૃત્યુ થશે. તે જ સમયે, આંતરરાષ્ટ્ર્રીય ઇમિગ્રન્ટસને કારણે, અમેરિકાની વસ્તી દર ૨૩.૨ સેકન્ડે એક વ્યકિત દ્રારા વધશે. જો જન્મ, મૃત્યુ અને વસાહતીઓની સંખ્યાને જોડવામાં આવે તો દર ૨૧.૨ સેકન્ડે યુએસની વસ્તીમાં એક વ્યકિતનો ઉમેરો થશે

ચીનને પાછળ છોડીને ભારત નંબર વન
હાલમાં ભારત ચીનને પાછળ છોડીને વસ્તીના મામલે નંબર વન પર આવી ગયું છે. તેની પાછળ નિષ્ણાતો દ્રારા જણાવવામાં આવ્યું છે કે વર્ષ ૨૦૨૫માં ભારતનો વસ્તી વૃદ્ધિ દર ૦.૯% રહેશે. ૨૦૨૫માં ભારતની વસ્તી ૧૪૬ કરોડ થવાની સંભાવના છે.સંયુકત રાષ્ટ્ર્રની સામાજિક–આર્થિક એજન્સી યુએનડીઈએસએએ અનુમાન લગાવ્યું હતું કે એપ્રિલ ૨૦૨૩માં ભારતની વસ્તી ચીનની ૧૪૨ કરોડ અથવા તેનાથી વધુ હશે. યુએનડીઈએસએ અનુસાર, ભારતમાં ૨૦૩૫ સુધીમાં ઉત્પાદકતા વધશે. તેનું કારણ એ છે કે કામ કરતી વસ્તી (૧૫ થી ૬૪ વર્ષ) પર બિન–કાર્યકારી વસ્તી (૧૫ વર્ષથી ઓછી અને ૬૪ વર્ષથી વધુ) ની અવલંબન આગામી ૧૧ વર્ષ સુધી સતત ઘટવાની અપેક્ષા છે.