મુસાફરોની સુવિધા માટે, પશ્ચિમ રેલવેએ સમાન રચના, સમય અને રૂટ સાથે વિશેષ ભાડા પર ઓખા-મદુરાઈ સાપ્તાહિક સ્પેશિયલ ટ્રેન ઓગષ્ટ અને સપ્ટેમ્બર મહિનામાં જવા આવવાના આઠ-આઠ ફેરા માટે એમ વધુ બે માસ લંબાવવામાં આવી છે.સિનિયર ડીસીએમ સુનિલ કુમાર મીનાના જણાવ્યા અનુસાર, ટ્રેન નંબર ૦૯૫૨૦/ ૦૯૫૧૯ ઓખા- મદુરાઈ- ઓખા વીકલી સ્પેશિયલ પૈકી ટ્રેન નંબર ૦૯૫૨૦ ઓખા-મદુરાઈ સ્પેશિયલના ઓગસ્ટ અને સપ્ટેમ્બર માસમાં આઠ ફેરા દર સોમવારે લંબાવવામાં આવ્યા છે. આ સમયગાળા દરમિયાન, આ ટ્રેન ઓખાથી દર સોમવારે ૨૨.૦૦ કલાકે ઉપડશે અને ગુરુવારે ૧૧.૪૫ કલાકે મદુરાઈ પહોંચશે.
​​​​​​​
એજ રીતે ટ્રેન નંબર ૦૯૫૧૯ મદુરાઈ- ઓખા સ્પેશિયલના ઓગસ્ટ અને સપ્ટેમ્બર માસમાં આઠ ફેરા દર શુક્રવારે લંબાવવામાં આવ્યા છે. આ સમયગાળા દરમિયાન, આ ટ્રેન મદુરાઈથી દર શુક્રવારે ૦૧.૧૫ કલાકે ઉપડશે અને રવિવારે ૧૦.૨૦ કલાકે ઓખા પહોંચશે. ટ્રેન નંબર ૦૯૫૨૦ માટેનું બુકિંગ ૨જી ઓગસ્ટ, ૨૦૨૩થી પીઆરએસ કાઉન્ટર અને  આઇઆરસીટીસી વેબસાઇટ પર ખુલશે.