પોષણ માહની ઉજવણીના ભાગરૂપે આજે ભાવનગરના પાલીતાણા તાલુકાના ભીલવાસ, વણકર વાસ ૧-૨ હાટકેશ્વર, મોમાઇ ધામ અને દેવીપૂજક કેન્દ્રોએ જાદવ બહાર આંગણવાડી કેન્દ્ર ખાતે પોષણ માસની ઉજવણી કરી હતી.
સી.ડી.પી.ઓ. અલ્પાબેન મકવાણા તેમજ વડીયા,વાળુકડ અને નોઘણવદર સેજાના મુખ્ય સેવિકાઓએ ગૃહ મુલાકાત, આરોગ્ય,આયુર્વેદિક ઔષધિ, યોગ અને યોગનું  મહત્વ અને તેનાથી થતા ફાયદા, પોષણ આહાર વિષે તેમજ લાભાર્થીઓને ટી.એચ.આર માંથી બનતી વિવિધ વાનગીઓ કઈ રીતે બનાવી શકાય તે અંગેની માહિતી આપી હતી.  આ અવસરે જાદવ બહાર આંગણવાડી કેન્દ્ર ખાતે વાનગીઓનું નિદર્શન પણ કરવામાં આવ્યું હતું.