મહિલાઓનાં સ્વાસ્થ્ય જાગૃતિ હેતુ સિહોર તાલુકાનાં ઢાંકણકુંડા ગામે પોષણ માસ ઉજવણી કાર્યક્રમમાં આરોગ્ય સંબંધી માર્ગદર્શન આપવામાં આવ્યું હતું. સંકલિત બાળવિકાસ યોજના કચેરી તથા પ્રાથમિક આરોગ્ય કેન્દ્ર અંતર્ગત સિહોર તાલુકાનાં ઢાંકણકુંડા ગામે પોષણ માસ ઉજવણી કરવામાં આવી હતી.
આંગણવાડી વિભાગનાં નિરીક્ષક હેમાબેન દવે સાથે આરોગ્ય વિભાગનાં સ્મિતાબેન જાળેલા દ્વારા બહેનોને આરોગ્ય સંબંધી માર્ગદર્શન આપવામાં આવ્યું. સગર્ભા માતા, ધાત્રી માતા અને કુપોષિત બાળકોની સંભાળ તથા પોષક આહાર સંબંધી જાણકારી આપવામાં આવી હતી. 
પોષણ માસ ઉજવણી કાર્યક્રમમાં આંગણવાડીનાં શ્રી હેતલબેન પરમાર સાથે શ્રી વર્ષાબેન રાઠોડ દ્વારા સંકલન સાથે ગામની બહેનોને સ્વાસ્થ્ય જાગૃતિ લાભ મળ્યો હતો.