2006થી વિશ્વભરમાં વિરોધની સંખ્યામાં ત્રણ ગણો વધારો થયો છે. આ વધતા વિરોધનું કારણ રાજકારણ, કૃષિ, સરકારી કે બિનસરકારી અન્યાય, અસમાનતા અને આબોહવા પરિવર્તન જેવા મુદ્દાઓ રહ્યા છે.

અહિંસક વિરોધની અસર હિંસક વિરોધ કરતાં વધુ હોય છે અને અન્ય પરિણામોની સાથે રાજકીય શાસન બદલવામાં વધુ અસરકારક હોય છે. 2006 થી 2020 વચ્ચે થયેલા વિરોધ પ્રદર્શનનું વિશ્લેષણ દર્શાવે છે કે 2020 દરમિયાન ખેડૂતોનો વિરોધ ભારતમાં સૌથી વધુ જોવા મળ્યો છે. અન્ય મુખ્ય વિરોધમાં 2010ની આરબ સ્પ્રિંગ, ઓક્યુપાય ચળવળ અને 2020માં વૈશ્વિક બ્લેક લાઇવ્સ મેટર વિરોધનો સમાવેશ થાય છે. આ સંદર્ભમાં, ઇઝરાયેલ-હમાસ વચ્ચે ચાલી રહેલા સંઘર્ષ બાદ હજારો વિરોધ પ્રદર્શનો થયા છે.

રાષ્ટ્રીય નેતાઓને હોદ્દા પરથી દૂર કરવા માટે 300 વિરોધ પ્રદર્શન

1900થી 2006ની વચ્ચે રાષ્ટ્રીય નેતાઓને પદ પરથી હટાવવાના ઉદ્દેશ્ય સાથે 300 વિરોધ પ્રદર્શન અને ક્રાંતિકારી અભિયાનો હાથ ધરવામાં આવ્યા હતા. ફિલિપાઇન્સમાં પીપલ્સ પાવર રિવોલ્યુશન જેવા અહિંસક વિરોધ 1986માં સરમુખત્યાર ફર્ડિનાન્ડ માર્કોસને દૂર કરવામાં સફળ રહ્યા હતા.