સરકારે વયસ્ક નાગરિકોને ઘરેથી પોસ્ટલ બેલેટ દ્રારા મતદાન કરવાની સુવિધા આપવા માટેના ચૂંટણી નિયમોમાં ફેરફાર કર્યેા છે અત્યાર સુધી દેશમાં ૮૦ વર્ષથી વધુ ઉંમરના લોકો આ સુવિધા માટે પાત્ર હતા. પરંતુ હવે ચૂંટણી પંચની ભલામણ બાદ સરકારે તેમાં ફેરફાર કર્યેા છે. આ અંગે નોટિફિકેશન બહાર પાડતા કાયદા મંત્રાલયે કહ્યું કે ચૂંટણી આચાર નિયમો ૧૯૬૧માં સુધારો કરવામાં આવ્યો છે જે અંતર્ગત ફકત ૮૫ વર્ષની વય વટાવી ચૂકેલા વૃદ્ધ મતદારો જ આ સુવિધા મેળવી શકશે. એપ્રિલ–મે ૨૦૨૪માં યોજાનારી ૪ રાયોની લોકસભા અને વિધાનસભા ચૂંટણીની તારીખોની જાહેરાતના થોડા દિવસો પહેલા આ ફેરફાર કરવામાં આવ્યો છે.

૯ ફેબ્રુઆરીએ ચૂંટણી પંચે દેશમાં કુલ મતદારોની સંખ્યા પણ જાહેર કરી હતી. આ અંગે, ૨૮ રાયો અને ૮ કેન્દ્રશાસિત પ્રદેશોના મતદાતાઓ સાથે સંબંધિત સ્પેશિયલ સમરી રિવિઝન ૨૦૨૪ રિપોર્ટમાં ચૂંટણી પંચનું કહેવું છે કે હવે આગામી લોકસભા ચૂંટણીમાં ૯૭ કરોડ લોકો મતદાન કરશે. સૂત્રોના જણાવ્યા અનુસાર, હવે દેશમાં ૧.૮૫ કરોડ મતદારોની ઉંમર ૮૦ વર્ષથી વધુ હોવાનું કહેવાય છે. માહિતી અનુસાર, દેશમાં હજુ પણ ૧૦૦ વર્ષ કે તેથી વધુ ઉંમરના ૨.૩૮ લાખ મતદારો છે.
જારી કરાયેલી સૂચના સાથે, ચૂંટણી પંચે તમામ રાજકીય પક્ષોને આદર્શ આચારસંહિતા અંગે ચેતવણી પણ આપી છે. આ સંદર્ભમાં, ચૂંટણી પંચનું કહેવું છે કે ૨૦૨૪માં આવનારી સામાન્ય ચૂંટણીઓમાં રાજકીય પક્ષોએ જાહેર પ્રચારમાં સનતા જાળવી રાખવી જોઈએ. આ સાથે પંચનું કહેવું છે કે જો કોઈ પાર્ટી કે કાર્યકર્તા પ્રત્યક્ષ કે પરોક્ષ રીતે આચારસંહિતાનું ઉલ્લંઘન કરશે તો તેની સામે કડક કાર્યવાહી કરવામાં આવશે