પોરબંદરના બરડા ડુંગરમાં મોટીમાત્રામાં માલધારીઓ વસવાટ કરે છે અને તેમના પશુઓનું પાલન કરીને પોતાનું જીવન ગુજારે છે.બિલેશ્વર નજીક આવેલા ફોદાળા ડેમ વિસ્તારમાં પણ અનેક માલધારીઓ પશુઓને ઉછેરીને આજીવિકા મેળવી રહ્યા છે.ત્યારે ફોદાળા ડેમના કાંઠા વિસ્તારમાં મોટીમાત્રામાં બકરીઓના મૃતદેહના અવશેષો અને હાડપિંજર જોવા મળ્યા છે.શું આ વિસ્તારમાં રહેતા પ્રાણીઓમાં કોઈ ભેદી રોગચાળો ફેલાયો છે તેના કારણે તેઓના સામુહિક રીતે મૃત્યુ થયા છે? કે પછી દીપડા જેવા જંગલી પ્રાણીઓએ તેમને ફાડી ખાધી છે? કે અન્ય કોઈ કારણોસર બકરીઓના મૃત્યુ થતા અહીંયા આ મૃતદેહને ફેંકી જવાયા છે? તે અંગે પશુપાલન વિભાગે તાત્કાલિક તપાસ હાથ ધરવી જરૂરી બની જાય છે.(તસ્વીર:જિજ્ઞેશ પોપટ)