જીવન નો છેલ્લો પડાવ એટલે મોક્ષધામ પરંતુ સમાજની કમનસીબી છે કે ઘણી બધી વાર એવા મૃતદેહ મળે છે જે બિનવારસી હોય છે, પરંતુ તે દેહને પણ પંચ મહાભૂતમાં મળી જવાનો તેટલો જ હક હોય છે. એવી જ પ્રેરણા સાથે સિહોર નગરપાલિકા અને પોલીસ જવાન બિનવારસી મૃતદેહને વિધિવત ક્રિયાકર્મ કરે છે . 
કોણ કહે છે કે માનવતા મારી પરવારી છે. સિહોર નગરપાલિકા અને પોલીસ આજ સુધીમાં અનેક બિનવારસી મૃતદેહો ને અગ્નિ સંસ્કાર કરી ચૂક્યા છે. બીનવારસી મનીષભાઇ રમણભાઇ ગુપ્તાનું મૃત્યુ થતા  અંતિમવિધિ કરી હતી. કાયદાકીય કાર્યવાહી બાદ નગરપાલિકા સ્ટાફ અને પોલીસ જવાન મૃતદેહ ને મોક્ષધામમાં લઈ જઈ  ફૂલહાર કરે છે. અને ચીતા ઉપર મૂકી સ્વજનની માફક મૃતદેહનો વિધિવત અગ્નિસંસ્કાર કરે છે. આ બન્ને તંત્રના કર્મચારીઓએ અત્યાર સુધીમાં અસંખ્ય બિનવારસી મૃતદેહના અગ્નિસંસ્કાર કરી ચૂક્યા છે.