ગુજરાત રાજ્ય આપત્તિ વ્યવસ્થાપન સતા મંડળ દ્વારા શાળા સલામતી સપ્તાહનું આયોજન શાળા કક્ષાએ કરવામાં આવેલ છે. જેમાં આપત્તિ અંગે ની જાણકારી અને શાળાઓમાં જોખમો અને આપત્તિઓ સામે રક્ષણ મેળવવાની તાલીમોનું આયોજન કરવામાં આવ્યુ હતું. છે.

રેડક્રોસ રાજ્ય શાખા અને ભાવનગર જિલ્લા વહીવટી તંત્રના માર્ગદર્શન મુજબ ડિઝાસ્ટર વિભાગ, અને ફાયર બ્રિગેડ, ભાવનગર સાથે રહીને ભાવનગર શહેર ની ૧૫ અને ગ્રામ્ય ની ૧૨ જેટલી શાળાઓના મળી કુલ ૬૫૦૦થી વધુ વિધાર્થીઓને ઈન્ડિયન રેડક્રોસ સોસાયટી, ભાવનગર દ્વારા પ્રાથમિક સારવાર અને સીપીઆરની તાલીમ રેડક્રોસની ડોકટર અને નર્સિંગની ટિમ દ્વારા તાલીમ આપવા માં આવી હતી. સાથે પ્રાથમિક સારવારના પોસ્ટર દ્વારા પ્રશિક્ષણ અને પ્રેક્ટિકલ મેથડ ની તાલીમ પણ આપવામાં આવી હતી. જેમાં શાળાઓમાં અને ઘરે ફસ્ટ એઇડ્ બોક્સ નો ઉપયોગ, પાટા બાંધવા, સીપીઆર,વગેરેનું વિસ્તાર થી માર્ગદર્શન આપવામાં આવ્યું હતું. સાથે રેડક્રોસ સાથે જોડાયેલ શાળાઓ માં ચાલતા જુનિયર રેડક્રોસ વિભાગમાં પણ તાલીમો આપવામાં આવી હતી. રેડક્રોસ ભાવનગર દ્વારા આ કાર્ય શાળા સલામતી સપ્તાહ બાદ પણ આગામી માર્ચ મહિના સુધી ચલાવવા માં આવશે તેમ સંસ્થા દ્વારા જણાવાયું હતું.