ભાણવડ તાબેના મોડપર ગામે રહેતા સંતોકબેન નગા દેવશી નંદાણીયા નામના 30 વર્ષના આહીર મહિલાએ ગત તારીખ 20 ના રોજ ભૂલથી એસિડ પી જતા તેમને સ્થાનિક હોસ્પિટલમાં ખસેડવામાં આવી હતી. જ્યાં ફરજ પરના તબીબોએ તેણીને મૃત્યુ પામેલા જાહેર કર્યા હતા. આ બનાવની જાણ મૃતકના પતિ નગાભાઈ દેવશીભાઈ નંદાણીયાએ ભાણવડ પોલીસને કરી છે.

ખંભાળિયામાં બે સ્થળોએ જુગાર દરોડામાં પાંચ શખ્સો ઝડપાયા

ખંભાળિયાના રામનગર વિસ્તારમાં આવેલી કણજાર ચોકડી પાસેથી પોલીસે સરકારી ખરાબામાં બેસીને તીનપતિ નામનો જુગાર રમી રહેલા ભીખુ રજાકાભાઈ કાપડી, લખન ડોસાભાઈ કાપડી અને રામ ભુપતભાઈ કાપડી નામના ત્રણ શખ્સોને ઝડપી લઇ, રૂપિયા 17,150 રોકડા તથા રૂપિયા 10,500 ની કિંમતના ત્રણ નંગ મોબાઈલ મળી, કુલ રૂપિયા 27,650 નો મુદ્દામાલ કબજે કરી, જુગારધારાની કલમ હેઠળ ગુનો નોંધ્યો હતો. આ પ્રકરણમાં અહીંના શિરૂતળાવ વિસ્તારમાં રહેતા ઈસમ ઈકબાલ પરમાર (લાકડીયા)ને ફરાર જાહેર કરવામાં આવ્યો છે.

અન્ય એક કાર્યવાહીમાં અહીંના શિરૂતળાવ બી.આર.સી. ભવનની ઓફિસની બાજુમાંથી પોલીસે રાજુ અરજણ ચાવડા અને રમેશ રામસંગ મકવાણાને ચલણી નોટોના નંબર ઉપર એકી-બેકીનો જુગાર રમતા ઝડપી લઇ , ગુનો નોંધ્યો હતો.