ભારત સરકારના પૃથ્વી-વિજ્ઞાન મંત્રાલય અંતર્ગત ભારત મૌસમ વિજ્ઞાન વિભાગના મૌસમ કેન્દ્ર અમદાવાદ દ્વારા ગુજરાત રાજ્યના તમામ જિલ્લાઓ માટે તા. 24 જુલાઈ સુધીના હવામાનની આગાહી કરવામાં આવી છે. આગાહી પ્રમાણે રાજકોટ જિલ્લામાં તા. ૨૧, ૨૩ અને ૨૪ જુલાઈના રોજ મોટાભાગના સ્થળોએ ગાજવીજ સાથે હળવાથી મધ્યમ વરસાદની શક્યતા છે. તેમજ તા. ૨૨ જુલાઈના રોજ છુટાછવાયા સ્થળોએ ભારે વરસાદની સંભાવના છે.   

રાજ્યમાં છેલ્લા 24 કલાકમાં કેટલાક જિલ્લામાં ધોધમાર વરસાદ પડી રહ્યો છે. જેમાં આપણે વાત કરીએ તો ગીરસોમનાથના સૂત્રાપાડા, તાલાલા, જૂનાગઢના માંગરોળ સહિતની પંથકમાં ધોધમાર વરસાદ પડ્યો હતો જેના કારણે હાઈવે પર પણ પાણી ફરી વળ્યા હતા. જ્યારે એસટી વિભાગ દ્વારા કેટલીક બસો પણ રદ્દ કરવામાં આવી હતી.